അപരാജിതൻ 25[Harshan] 10176

അവരുടെ കണ്ണുവെട്ടിച്ചു കൊണ്ട് ഒരു കോണിൽ വളർന്നു പന്തലിച്ചു നിൽക്കുന്ന ബോധിവൃക്ഷത്തിലേക്ക് കയറി അതിന്‍റെ  ചില്ലയിലൂടെ ചവിട്ടി നടന്നു കൊണ്ട് മുകളിലെത്തി നിലയിലേക്ക് പ്രവേശിച്ചു.

അവിടെ നിലത്തു കൈ കുത്തി ഇഴഞ്ഞുകൊണ്ടു അഡ്മിനിസ്‌ട്രേറ്റീവ് ഓഫീസ് കടന്ന് രണ്ടാം മുറ്റത്തേക്ക് പ്രവേശിച്ചു ,

അവിടെയാണ് ഭിക്ഷുക്കളുടെ റെസിഡൻഷ്യൽ കോമ്പ്ലെക്സ്.

അവിടെയും ജാഗ്രതയോടെ നീങ്ങി യേഷേ വാങ്ചുക് കിടക്കുന്ന മുറിയുടെ സമീപമെത്തി.

വാതിൽ പാതി ചാരിയിട്ടേ ഉണ്ടായിരുന്നു എന്നതിനാൽ അയാൾക്ക് കാര്യം എളുപ്പമായി

അയാൾ ശബ്ദമുണ്ടാക്കാതെ വേഗം ഉള്ളിലേക്ക് കയറി.

ഉള്ളിൽ ലളിതമായി സജ്ജീകരിച്ചിരിക്കുന്ന മുറിയിൽ ചുറ്റും കണ്ണോടിച്ചു

യേഷേ വാങ്ചുക് ഉറങ്ങുകയായിരുന്നു.

അയാൾ വേഗം ബുദ്ധവിഗ്രഹത്തിനു മുന്നിൽ വന്നു പ്രണമിച്ചു.

അതിനു ശേഷം കിടക്കുന്ന യേഷേ വാങ്ചുക് ന്‍റെ  മുന്നിലെത്തി.

അയാൾ മുഖത്ത് നിന്നും തന്‍റെ   മൂടുപടം മാറ്റി

പെട്ടെന്ന്

എന്തോ ഒരു ഉൽപ്രേണയിൽ യേഷേ വാങ്ചുക് ബുദ്ധഭിക്ഷു  കണ്ണുകൾ തുറന്നു.

മൂന്നില്‍ നില്‍ക്കുന്ന ആളെ കണ്ടു അദ്ദേഹം വേഗം പിടഞ്ഞെഴുന്നേറ്റു.

ആ നില്‍ക്കുന്ന ആളുടെ മുഖം കണ്ടപ്പോള്‍ അദ്ദേഹമൊന്ന് അമ്പരന്നു.

പക്ഷേ , അയാളുടെ നില്‍പ്പും ഭാവവും കണ്ടപ്പോള്‍ തന്നെ ആക്രമിക്കാനാകും എന്നു കരുതിയ അദ്ദേഹം ഉറക്കെ ഒച്ച വെക്കാന്‍ ശ്രമിച്ചപ്പോള്‍ ഉടന്‍ തന്നെ അജ്ഞാതനായ അയാള്‍ ആ ബുദ്ധഭിക്ഷുവിന്‍റെ  കഴുത്തില്‍ അതിവേഗം ഒരു ലോഹചങ്ങല ചുറ്റി പിടിച്ച് കൊണ്ട് അദ്ദേഹത്തെ വലിച്ചു കിടക്കയ്ക്ക് താഴേക്കിട്ടു.

അദ്ദേഹം എഴുന്നേല്‍ക്കാനായി ശ്രമിച്ചുവെങ്കിലും കഴുത്തില്‍ ആ ചങ്ങല അതിശക്തിയില്‍ മുറുകിയതിനാല്‍

എഴുന്നേൽക്കാൻ സാധിച്ചില്ല.

അദ്ദേഹത്തിന്‍റെ  കഴുത്തിൽ ആ അജ്ഞാതൻ ചങ്ങല മുറുകെ മുറുകെ വലിച്ചു ഞെരുക്കികൊണ്ടിരുന്നു.

അതീവശക്തിയോടെയുള്ള ആ പിടിത്തത്തിൽ അദ്ദേഹത്തിന് പ്രാണവായു എടുക്കാനാകാതെ വന്നു.

അദ്ദേഹം ശ്വാസം എടുക്കാൻ ബുദ്ധിമുട്ടികൊണ്ടിരുന്നു.

കണ്ണുകളും മുഖവും ചുവന്നു തുടുത്തു.

കഴുത്തിലെ ഞരമ്പുകൾ പൊങ്ങി വന്നു.

അദ്ദേഹത്തിന്‍റെ  കൈകാലുകളിലെ വിരലുകൾ അടച്ചും തുറന്നും ചലിച്ചു കൊണ്ടിരുന്നു.

വായിൽ നിന്നും ചോര ഒഴുകി തുടങ്ങിയിരുന്നു.