അപരാജിതൻ 25[Harshan] 10182

ശിവശൈലത്ത്

കിടന്നുറങ്ങുകയായിരുന്ന ആദി ഭയന്നുകൊണ്ടു ഒരു വിറയലോടെ അമ്മെ ,,,,,എന്ന് വിളിച്ചു ഞെട്ടി എഴുന്നേറ്റു.

അമ്മയുടെ ഫോട്ടോ കയ്യിലെടുത്തു നെഞ്ചോടു ചേർത്ത് പിടിച്ചു.

ആകെ വിറയ്ക്കുകയായിരുന്നു ആദി.

അവൻ ഉടൻ എഴുന്നേറ്റു പുറത്തേക്കിറങ്ങി.

വേഗം തന്നെ വാതിൽ പൂട്ടി ജീപ്പുമെടുത്തു കുതിച്ചു.

അരമണിക്കൂർ കൊണ്ട് അവൻ ശ്മാശാന ഭൂമിയിലെത്തി.

അവിടെ ചുടലയും ഭ്രാന്തനും  മയങ്ങുകയായിരുന്നു.

ചുടല നല്ല പോലെ മദ്യപിച്ചിട്ടുണ്ടായിരുന്നു.

അവൻ അവരുടെ സമീപമെത്തി.

അവിടെ രണ്ടു മൂന്നു ചിതകളും എരിയുന്നുണ്ടായിരുന്നു

“ചുടലേ ,,,,,,,” അവൻ പലവട്ടം ചുടലയെ വിളിച്ചു

ചുടല എഴുന്നേറ്റതേയില്ല ,,

പാതി കണ്ണ് തുറന്നു ചോദിച്ചു

“എന്താ ശങ്കരാ  ,,’അമ്മ കത്തുന്നത് സ്വപ്നം കണ്ടു ഭയന്നോ ……..?”

ആദി അതെ എന്ന് തലയാട്ടി

“ആർക്കുമറിയാതെ കൊല്ലങ്ങളായി നീ നിന്‍റെ  ബാഗിൽ സൂക്ഷിച്ചു വെച്ചിരിക്കുന്ന ആ രഹസ്യമില്ലേ ,, അത് തന്നെയാണ് കാരണം ,, അതിനു മുക്തി കൊടുക്കണം ,, അത് ചെയ്യാതെയിരുന്നാൽ ഇങ്ങനെയൊക്കെ സംഭവിക്കും ,, ”

ചുടല ആ പറഞ്ഞത് കേട്ട് ആദി ഒന്ന് നടുങ്ങി.

ആർക്കുമറിയാതെ താൻ കൊണ്ട് നടക്കുന്ന ആ രഹസ്യം അതെങ്ങനെ ചുടലയറിഞ്ഞു

“പോ ,,,,, തള്ളയേയും തള്ളയുടെ തന്തയേം തള്ളയുടെ തള്ളക്കു ചുവട്ടിൽ വെക്ക് ,,,, പോ ,,,,,,ബാക്കി നിന്‍റെ  അച്ഛൻ കൂടെ വരട്ടെ ,, ”

ചുടല കണ്ണടച്ചു തിരിഞ്ഞു കിടന്നു .