അപരാജിതൻ 25[Harshan] 10176

ചുടലയും മറ്റുള്ളവരും വരുന്നുണ്ടോ എന്നറിയാനായി പക്ഷേ  അവർ എത്തിയിരുന്നില്ല

ഒടുവിൽ മുത്തശ്ശന്മാരും ഉമാദത്തനും ബാലവരും ശൈലജയും കസ്തൂരിയും ശങ്കരനും ശംഭുവും ശിവാനിയും ഒക്കെ കൂടെ  ഒരുമിച്ചിരുന്നു .

ഓരോരുത്തരും ആ ഭക്ഷണം കഴിക്കുന്നത് അവൻ ശ്രദ്ധാപൂർവ്വം നോക്കി നിന്നിരുന്നു

വൈദ്യർ മുത്തശ്ശന്‍റെ  മുഖം പ്രസന്നമായിരുന്നു.

അതവന് ബോധ്യമായി

അപ്പോളാണ്

ചുടലയും ഭ്രാന്തനും കാളിചരണും ലോപമുദ്രയും അവിടേക്കു വന്നത്

ആദി അവരെ വിളിച്ചു കൊണ്ട് വന്നു

അവർ തിണ്ണയിൽ ഇരുന്നു

അവർക്കുള്ള ഭക്ഷണം ആദി തന്നെ വിളമ്പി കൊടുത്തു

അടുത്തിരുന്ന വൈദ്യരെ നോക്കി ചുടല ചോദിച്ചു

“എയ് ,,,എന്നാ കിളവാ ,,,ഇപ്പോ സന്തോഷമായിടിച്ചാ ?”

വൈദ്യർ മുത്തശ്ശൻ പ്രസന്നതയോടെ ഒന്ന് പുഞ്ചിരിച്ചു

ആദി മറ്റാരും കാണാതെ ചുടലയെ നോക്കി ഒന്ന് കണ്ണിറുക്കി കാണിച്ചു ചിരിച്ചു

ഭക്ഷണം കഴിച്ചു കൊണ്ട് വൃദ്ധൻ ഭ്രാന്തൻ ആദിയെ നോക്കി കൈകൾ കൂപ്പി “ശങ്കരാ ” എന്ന് ഉരുവിട്ടു കൊണ്ട് ആർത്തിയോടെ ഭക്ഷണം കഴിക്കാൻ തുടങ്ങി “കഴിക്കൂ മാമാ “ എന്നു പറഞ്ഞുകൊണ്ട് ആദി ഭ്രാന്തനേ പ്രോല്‍സാഹിപ്പിച്ചു.

“കാളിചരൺ മാമാ ,,, ലോപമുദ്രെ ,,, അങ്ങോട്ട് കഴിച്ചെ ,,, സന്തോഷമായി വേണം ഭക്ഷണം കഴിഞ്ഞു പോകുവാൻ” എന്നിട്ടവൻ ചിരിച്ചുകൊണ്ട് അവർക്കു വെള്ളം കൊണ്ട് കൊടുത്തു.

അവരും വയറു നിറയെ ഭക്ഷണം കഴിച്ചു.

പോകും നേരം ലോപമുദ്ര ഏക്താര മീട്ടി ബാവുൽ ഗീതികൾ ആലപിച്ചുകൊണ്ട് ആ വീടിനെ വലം വെച്ച് കൊണ്ട് അവരെല്ലാവരും അവിടെ നിന്നും തിരികെ ശ്മാശാനത്തിലേക്ക് തിരിച്ചു

എല്ലാവരെയും തന്‍റെ    മുത്തശ്ശിയുടെ പിറന്നാൾ രാജകീയമായി സൽക്കരിച്ച ആനന്ദത്തോടെ ആദി കാറ്ററിങ് ചാർജ് ഒക്കേ കൂടെ ഒരു ലക്ഷം രൂപയ്ക്കടുത്ത് കൊടുത്തു കാറ്ററിങ് സർവ്വീസ്കാരേയും പറഞ്ഞു വിട്ടു.

മുറിയിൽ കയറി മുത്തശ്ശിയുടെ ചേലയോട് ഉള്ളിലെ സന്തോഷമൊക്കെ പങ്കുവെച്ച് കിടന്നു.

<<<<O>>>>>