അപരാജിതൻ 25[Harshan] 10176

ഉച്ചക്ക്

പന്ത്രണ്ടു മണി  ആയപ്പോളേക്കും പട്ടണത്തിലെ വലിയ ഹോട്ടലിന്‍റെ  കാറ്ററിങ് ടെമ്പോ വാൻ  ശിവശൈലത്തെത്തി ചേർന്നു.

ആദി താമസിക്കുന്ന വീടിന്‍റെ  പുറത്തു തന്നെ അവർ സ്റ്റാൾ സജീകരിക്കുവാൻ ആരംഭിച്ചു

ഒരു മണിക്കൂറിനുള്ളിൽ അവർ സ്റ്റാളുകൾ നിർമ്മിക്കുകയും കസേരയെല്ലാം നിരത്തിഇടുകയും ചെയ്തു.

അവിടെ ശങ്കരനും ശംഭുവും ശൈലജയും കസ്തൂരിയും ഉമാദത്ത൯ മാമനും മുത്തശ്ശന്മാരും അടക്കം എല്ലാവരും ഉണ്ടായിരുന്നു.

വേലയ്ക്ക് പോയവർ സമയം പാലിച്ചു തന്നെ മടങ്ങിയെത്തി.

ആദിയാകെ സന്തോഷത്തിലായിരുന്നു.

എങ്കിലും ഇത് ശിവശൈലത്തു നിന്നും ഭ്രഷ്ട് കല്പിച്ചു പുറത്താക്കിയ അചലയുടെ പിറന്നാൾ ആഘോഷമാണെന്ന് പറയാനാകത്തിൽ അവനു വിഷമവും ഉണ്ടായിരുന്നു.

എങ്കിലു൦ അവനോർത്തത് ജീവിതത്തിൽ ഒരിക്കൽ പോലും ശിവശൈലത്തെ സാധുക്കൾ അനുഭവിക്കാതെ പോയ ഒരു സൗഭാഗ്യമാണ് രാജകീയമായ ഭക്ഷണം.അത് ഇപ്പോൾ അവർക്കു കിട്ടുന്നതിന് അചല എന്ന തന്‍റെ    മുത്തശ്ശി ഹേതു ആയതിൽ അവന്‍റെ  മനസ് ഒരുപാട് സന്തോഷിക്കുക തന്നെ ചെയ്തു.

അവന്‍റെ യൊപ്പം ശംഭുവും ശങ്കരനും കൂടെ ആവി പറക്കുന്ന മനം മയക്കുന്ന വാസന പകരുന്ന ഭക്ഷണ സാധനങ്ങൾ കണ്ടു

അപ്പം , സ്റ്റു , ബിരിയാണി , പനീർ മസാല , ചില്ലി ഗോബി , പനീർ മഞ്ചൂരിയൻ , ഗോബി മഞ്ചൂരിയൻ , മിക്സഡ് സബ്ജി , വിവിധ സാലഡുകൾ , അച്ചാർ , പപ്പടം , ഐസ്ക്രീം അടക്കം വിപുലമായ വിഭവങ്ങളാണ് അവിടെ ഒരുക്കിയിരുന്നത് .

ഒരുമണി ആയപ്പോളെക്കും എല്ലാവരും വരിയിൽ വന്നു നിന്നു.

എല്ലാവരുടെയും മുഖത്ത് ഇതുവരെ കഴിക്കാൻ സാധിക്കാതെ പോയ ഭക്ഷണം കഴിക്കാൻ പോകുന്നതിന്‍റെ  ആകാംഷയും കൗതുകവും സന്തോഷവും ഒക്കെ നിറഞ്ഞിരുന്നു.

ആദിക്ക് അവിടത്തെ കുട്ടികൾ പാത്രവും പിടിച്ചു നില്കുന്നത് കണ്ടപ്പോൾ ഒരുപാട് സഹതാപവും ആ കുഞ്ഞുങ്ങളോട്  തോന്നി , ഒപ്പം ആ കുഞ്ഞുങ്ങൾക്ക് ഇതെല്ലാം അനുഭവിക്കാൻ ഒരു അവസരമൊരുക്കാൻ തനിക്ക്  സാധിച്ചതിൽ ആത്മനിർവൃതിയും.

ആദ്യം കുട്ടികൾക്കു വിളമ്പി.

അവരെ അവരെ കസേരയിൽ ഇരുത്തി

അവർ ഓരോ വിഭവവും ആസ്വദിച്ചു കഴിച്ചു കൊണ്ടിരുന്നു.

അവനെ സങ്കടപ്പെടുത്തിയത് ഒരേയൊരു കാഴ്‌ചയായിരുന്നു