Wonder 7 [Nikila] 2416

“വേണ്ട…. മതി….. ഇതോടെ നിർത്തിക്കോ എല്ലാം”

 

സംസാരിക്കുമ്പോൾ പതറുന്നുണ്ടായിരുന്നു ക്യൂപ്പിട്.

 

“ഇതെല്ലാം തുടങ്ങി വച്ചത് ഞാനല്ല. അതുക്കൊണ്ട് ഇതൊന്നും അവസാനിപ്പിക്കാൻ എന്നെക്കൊണ്ട് പറ്റില്ല. നിന്റെ അമ്മയേക്കാൾ സുന്ദരിയായ പെണ്ണിനെ നീ കണ്ടിട്ടുണ്ടെന്ന് മാത്രമല്ല അവളെയാണ് പ്രണയത്തിന്റെ ഇടനിലക്കാരൻ കൂടിയായ നീ പ്രേമിച്ചതും. അവളൊരു മനുഷ്യ സ്ത്രീയായിരുന്നു. പേര് സൈക്കി”

 

“വേണ്ട, നിർത്താൻ……” ക്യൂപ്പിട് ചെവി പൊത്തിക്കൊണ്ട് അലറി.

 

“ആ കഥ ഡീറ്റെയിൽഡായി എനിക്കറിയില്ല. എന്നാലും എന്റെ ഓർമ്മയിലുള്ള കാര്യങ്ങള് ഞാൻ പറയാം. തന്റെ അമ്മ വീനസിനേക്കാൾ അതി സുന്ദരിയായിരുന്നു അവൾ. അതുക്കൊണ്ടായിരിക്കാം മറ്റുള്ളവർ അവളുടെ സൗന്ദര്യത്തെ പുകഴ്ത്താൻ തുടങ്ങി. എന്നാൽ തന്റെ അമ്മയ്ക്ക് അതു സഹിച്ചില്ല. അതുക്കൊണ്ട് അവരൊരു തീരുമാനമെടുത്തു. സൈക്കി എന്ന സുന്ദരിയെ ഏതെങ്കിലും വൃത്തികെട്ടവന്റെ തലയിൽ കെട്ടിവയ്ക്കാനായിരുന്നു അവര് പ്ലാനിട്ടത്. എന്നാൽ ആ വൃത്തികെട്ടവൻ താനായിരിക്കുമെന്ന് അവര് പോലും പ്രതീക്ഷിച്ചു കാണില്ല”

 

ക്യൂപ്പിടിന് പറയാൻ മറുപടിയൊന്നും ഉണ്ടായില്ല. പോരാത്തതിന് ഇതെല്ലാം പറയുമ്പോൾ ചില മാറ്റങ്ങൾ പുള്ളിക്കാരനിൽ ഞാൻ കണ്ടു.

 

“അങ്ങനെ ഏതെങ്കിലും ഒരുത്തനെ അവളുടെ തലയിൽ അടിച്ചേൽപ്പിക്കുന്ന ജോലി തന്നെയാണ് വീനസ് ഏല്പിച്ചത്. എന്നാൽ അവര് ആവശ്യപ്പെട്ടത് വേറെ താൻ ചെയ്തതും വേറെ. അവളുടെ സൗന്ദര്യം കണ്ട് മോഹം തോന്നി താൻ തന്നെ സൈക്കിയെ കേറി പ്രേമിച്ചു. എന്നാൽ ആ ബന്ധം അധികനാൾ ഉണ്ടായില്ല. ഒരു ഘട്ടത്തിൽ അവൾക്ക് തന്നെ സംശയമുണ്ടെന്നു മനസ്സിലായപ്പോൾ താൻ അവളെ വിട്ട് എങ്ങോട്ടാ പറന്നു പോയി. എന്നിട്ടിപ്പോ എന്റെ മുന്നില് വന്നു നിൽക്കാണ്, കൊച്ചു ഗള്ളൻ?”

 

ക്യൂപ്പിടിന്റെ കണ്ണുകൾ കോപം കൊണ്ട് ചുവന്നു.

 

“പക്ഷെ തന്റെ കാമുകി സൈക്കി വെറുതെയിരിക്കോ, അവള് വേഗം പരാതിയുമായി തന്റെ അമ്മയുടെ അടുത്തേക്ക് ചെന്നു. ആവശ്യം ഇതായിരുന്നു, തന്നെയും അവളെയും വീണ്ടും ഒന്നിപ്പിക്കണമെന്ന്. അല്ലെങ്കിൽ തന്നെ തന്റെ അമ്മ സ്വന്തം മകൻ അവർക്കിട്ട് കുതികാല് വെട്ടിയതിന്റെ കലിപ്പിലിരിക്കാണ്. അതിന്റെ കൂടെ അവരുടെയടുത്തേക്ക് തന്നെ പരാതിയാമായി ചെന്നാൽ അവര് വെറുതെയിരിക്കോ, ഇല്ല. അതുക്കൊണ്ട്, വീനസ് അവൾക്കിട്ട് നല്ലൊരു യമണ്ടൻ പണികൊടുക്കാൻ തന്നെ പ്ലാനിട്ടു”

 

“ജോസഫ്, ഇതോടെ മതിയാക്കിക്കോ. ഇവിടെ വച്ച് എല്ലാം നിർത്താം”

 

“ആഹാ, അപ്പൊ തനിക്കെന്റെ പേര് ഓർമ്മയുണ്ടല്ലേ?. തുടങ്ങി വച്ച സ്ഥിതിക്ക് ഞാനീ കഥ തീർത്തിട്ടെ അടങ്ങൂ. ഒരിക്കലും വിജയിക്കില്ല എന്നു കരുതുന്ന മൂന്നു ടാസ്‌ക്കുകൾ നിന്റമ്മ സൈക്കിക്ക് മുന്നിൽ വച്ചു കൊടുത്തു. തിയറി എക്സാം വല്ലതുമായിരുന്നെങ്കിൽ ആ പാവം തുണ്ട് വച്ചിട്ടാണെങ്കിലും പാസായേനെ. അങ്ങനെ ആ മൂന്നു എക്സാമുകളിൽ….ഛെ…. ടാസ്‌ക്കുകളിൽ രണ്ടെണ്ണത്തിൽ സൈക്കി പാസായി. മൂന്നാമത്തെ ടാസ്ക് ഇത്തിരി ഡിഫിക്കൽട്ടായിരുന്നു. അണ്ടർവേൾഡിൽ പോയി അതായത് പാതാളലോകം, അല്ലാതെ ബോംബെ തെരിവ്‌ അല്ല. അവിടെ പോയി മരണദേവതയുടെ സൗന്ദര്യത്തിന്റെ ഒരംശം എടുത്തോണ്ട് വരണം അതായിരുന്നു അവസാന ടാസ്ക്ക്. സൈക്കി അതേപോലെ തന്നെ മരണദേവതയുടെ സൗന്ദര്യത്തിന്റെ അംശം പെട്ടിക്കുള്ളിലാക്കിയതുമാണ്. എന്നാൽ വരുന്ന വഴിക്ക് ആവേശം കൂടി അവളാ പെട്ടി തുറന്നു നോക്കി. അതിനകത്തുണ്ടായ മാജിക്ക് പുറത്തു വന്നപ്പോൾ അവള് കോമാ സ്റ്റേജിലായി. അതിനു ശേഷമാണ് തന്റെ വക മാരക എൻട്രി. ആപത്തിലായ പ്രിയതമയേയും തൂക്കിയെടുത്ത് നേരെ സഹായത്തിനായി ദൈവങ്ങളുടെ ദൈവമായ സ്യൂസിനടുത്തേക്ക് ചെന്നു. അവിടെ വച്ചു അമർത്യരായിക്കാൻ വേണ്ടി ദൈവങ്ങൾ കുടിക്കുന്ന വിശിഷ്ടമായ പാനീയം സൈക്കിക്ക് കൊടുക്കുന്നു. പിന്നെ….”

 

“മതി, നിർത്തിക്കോ. ഇനിയും നീയിത് അവസാനിപ്പിച്ചില്ലെങ്കിൽ നിന്നെ ഞാൻ കൊന്നു കളയുമെടാ”

 

ക്യൂപ്പിട് എന്നെ നോക്കി ഉച്ചത്തിൽ അലറി. ആ കണ്ണുകളിലെ തീഷ്ണത കണ്ടാലറിയാം പുള്ളിക്കാരൻ പറഞ്ഞ കാര്യം അതുപോലെ ചെയ്യുമെന്ന്. പക്ഷെ എനിക്കു പേടി തോന്നിയില്ല. ഞാനിവിടെ വച്ചു മരിച്ചാൽ ഒന്നും സംഭവിക്കില്ല. ഉറക്കം വിട്ട് എഴുന്നേൽക്കേണ്ടി വരും, അത്ര മാത്രം. എനിക്കു ചിരിയാണ് വന്നത്. 

 

“ഈ കഥ പെട്ടന്ന് തീരില്ല. കാരണം ഇനിയാണ് മെയിൻ ട്വിസ്റ്റ്‌. ആ ഡ്രിങ്ക് കുടിച്ച സൈക്കിക്ക് പിന്നീടെന്ത് സംഭവിച്ചെന്ന് ഞാൻ പറയെട്ടെ ?. ആളുകള് വിചാരിച്ചിരിക്കുന്നത് അതോടെ അവൾക്ക് ജീവൻ കിട്ടി ഇമ്മോർട്ടലായി നീയുമായി ഒന്നിച്ചു ഹാപ്പി എൻഡിങ് ആയെന്നാണ്. എന്നാൽ ശരിക്കും നടന്നത് അതല്ല”

 

“ജോസഫ്, വേണ്ടാ ?”

 

“തന്നെക്കാൾ സുന്ദരിയായി വേറാരും അറിയപ്പെടരുത് എന്നാഗ്രഹിച്ച വീനസ് അവിടെയൊരു കുബുദ്ധി കാണിച്ചു. മയങ്ങി കിടക്കുന്ന അവളെയും കൊണ്ട് നീ വേഗം എങ്ങോട്ടാണ് പോവുക എന്ന് മനസിലാക്കിയ നിന്റെ അമ്മ ഓടുന്ന പട്ടിക്ക് ഒരു മുഴം മുൻപേ എന്ന മാതിരി ഒരു ചതി പ്രയോഗിച്ചു. സൈക്കിക്ക് കുടിക്കാൻ കൊടുത്ത പാനീയം മാറ്റി അവിടെ ആദ്യമേ തന്നെ അവര് വിഷം കൊണ്ടുവച്ചു. അതോടെ ജീവിതത്തിലേക്ക് തിരിച്ചു വരുമെന്ന് കരുതിയ അവളെയും കൊണ്ട് മരണം അതിന്റെ വഴിക്ക് പോയി. ജീവനു തുല്യം സ്നേഹിച്ചവളുടെ ജീവൻ നഷ്ടപ്പെട്ടപ്പോൾ തനിക്കത് സഹിച്ചില്ല. പിന്നീട് തന്റെ കണ്മുന്നിൽ പ്രണയിച്ചു നടക്കുന്നവരെ ഇല്ലായ്മ ചെയ്യാൻ മാത്രം പാകത്തിലുള്ള കോപം തനിക്കുണ്ടായി. പ്രതികാരം ചെയ്യണമെന്ന് വാശി കേറിയപ്പോൾ താൻ നേരെ പാതാളലോകത്തു പോയി മരണത്തിന്റെ ദേവനുമായി ഒരു കയ്യൊപ്പുണ്ടാക്കി.