Wonder 7 [Nikila] 2416

“ജോ, നിനക്കാരോടും റൊമാൻസ് തോന്നിയിട്ടില്ലേ ? ചിലപ്പോ ഞങ്ങളോട് പറയാത്ത ആരെങ്കിലും കാണുമല്ലോ. അങ്ങനെയാരെങ്കിലും ?”

 

“റോയ്, നിനക്കോ മിഖിക്കോ എന്റെ വീട്ടുക്കാർക്കോ അറിയാതെ ഒരു പ്രേമം പോലും എന്റെ ജീവിതത്തിലുണ്ടായിട്ടില്ല”

 

ആ മറുപടി കേട്ടപ്പോൾ അവന് സമാധാനമായി. കാരണം ഞാനീ പറഞ്ഞതിൽ തന്നെ ആ ചോദ്യത്തിനുള്ള ഉത്തരവുമുണ്ട്. അതു റോയ്ക്ക് നന്നായി മനസിലായി. മിഖിയോടും ഞാനീ രഹസ്യം മുന്നേ പറഞ്ഞിട്ടുണ്ട്.

 

“ശരി. അങ്ങനെയാണെങ്കിൽ നിനക്ക് ഏറ്റവും കൂടുതൽ ക്രഷ് തോന്നിയിട്ടുള്ളത് ആരോടാ ?” റോയ്

 

“Simple, ഹെർ നെയിം ഈസ്‌ ഈവാ”

 

“ഈവാ ? അതേത് പെണ്ണ് ? നീയുദ്ദേശിച്ചത് സിനിമാ നടി ഇവാ ഗ്രീനാണോ ??”

 

“അത് ഇവാ. ഞാൻ പറഞ്ഞ ആളുടെ പേര് ഈവാ. Wall-E എന്ന അനിമേഷൻ സിനിമയിലെ ലേഡി റോബോട്ടാണ് E.V.E. ആളുടെ മുഴുവൻ പേര് Extraterrestrial Vegetation Evaluator. സംഭവം റോബോട്ടാണെങ്കിലും അതൊരു ഒന്നൊന്നര ജിന്ന് തന്നെയാണ് മോനേ?”

 

റോയ് എന്നെ ഒരുമാതിരി നോട്ടം നോക്കി. ഞാനെന്റെ ഫോണിലെ വാൾ പേപ്പർ അവനു കാണിച്ചു കൊടുത്തു.

“ഒരു അനിമേഷൻ റോബോട്ടിനോടാണോടാ നിനക്ക് ക്രഷ് തോന്നിയേക്കണേ ?. ഞാൻ കരുതി നീ വല്ല ഗ്ലാമർ ലൂക്കുള്ള ഏതെങ്കിലും പെണ്ണിന്റെ പേര് പറയുമെമെന്ന്”

 

“എന്താടാ നിനക്കിത്ര പുച്ഛം, ഈ പ്രേമമെന്ന സാധനത്തിനോട്‌ എനിക്കു ഇഷ്ടക്കേടുള്ള കാര്യം നിനക്കറിയാലോ. അങ്ങനെയുള്ള റൊമാൻസ് തന്നെ എനിക്കു ശരിക്കും ഫീല് ചെയ്യിച്ച മുതലാണ് ഇത്. എടാ, ഐശ്വര്യാ റായും കത്രീന കൈഫുമൊക്കെ ഒരുപാട് പടങ്ങളില് ഇനിയും പല വേഷത്തിലും വരും. പക്ഷെ ഈ മുതലിനെ ഒരു പടത്തില് ഒരു വേഷത്തിലേ ഞാൻ കണ്ടിട്ടുള്ളൂ. അതാണ് എന്റെ ഈവാ☺️”

 

“പക്ഷെ ജോ, ഒരു കുഴപ്പമുണ്ട്. ആ റോബോട്ടിന്റെ പേര് ഈവാ ന്നല്ല, ഈവ് എന്നാ” മിഖി.

 

“ഏയ്, ഈവ് എന്ന് പറഞ്ഞാ അതെങ്ങനെയാ പെണ്ണാവുന്നേ. ഈവാ ന്ന് തന്നെയാ പേര്”

 

“അങ്ങനെയാണെങ്കിൽ എന്നെ ജോ മിഖീന്നല്ലേ വിളിക്കുന്നേ. അതെന്താ ഞാൻ പെണ്ണായതോണ്ടാണോ ?”

 

“അതു പോയിന്റ് ?” റോയ് 

 

ആഹാ, രണ്ടും കൂടിയെന്നെ തേക്കുവാണല്ലേ. ശരിയാക്കി കൊടുക്കാം.

 

“ജോ, വിവരമില്ലെങ്കിൽ അതു സമ്മതിക്കണം. EVE എന്ന് പറഞ്ഞാ ഈവ് എന്നാ ഉച്ചാരണം. അതുപോലുമറിയില്ലാല്ലേ. അയ്യേ ?” മിഖി

 

ഓഹോ! അപ്പൊ അങ്കത്തിനുള്ള തുടക്കമാണല്ലേ. എന്നാ ഒരു കൈ നോക്കടാ.

 

“വിവരം മാത്രം പോരാ. ആ പടവും കൂടി കാണണം. ആ പടത്തില് ആ റോബോട്ടിനെ മറ്റുള്ളവര് വിളിക്കുന്നത് ഈവാ ന്നാ. അറിയത്തില്ലെങ്കിൽ അറിയാവുന്നോരോട് ചോദിക്ക്”

 

“ഓഡിയോ ക്ലിയറല്ലാത്ത പടം കണ്ടാ അങ്ങനെ പലതും കേൾക്കും. എന്ന് വച്ച് അതൊന്നും ഇവിടെ പറയേണ്ട കാര്യമില്ല”

 

“പിന്നെ ഇവിടെയല്ലാണ്ട് പള്ളീൽ പോയി പറയാൻ പറ്റോ?”

 

“വേണ്ട, കക്കൂസിൽ പോയി പറഞ്ഞാൽ

മതി ?”

 

“ജോ, മതീ. നിർത്തെടാ” റോയ്.

 

“ഒന്നു പോടാ. മിഖീ, നീയെന്തൊക്കെ പറഞ്ഞാലും ആ റോബോട്ടിനെ വിളിക്കുന്നത് ഈവാ ന്നാണ്”

 

“ഉവ്വ്, സമ്മതിച്ചത് തന്നെ. ശരിക്കും പേര് ഈവ് ന്നാ”

 

“ശരിക്കും പേര് ഈവാ ന്നാ?”

 

“അല്ല, ഈവ്”

 

“ഈവാ”

 

“ഈവ്”

 

“ഈവാ”

 

“പ്ഭാ! നിർത്തെടാ കന്നാലികളേ?”