വൈഗ [മാലാഖയുടെ കാമുകൻ] 2144

പഴയത് പോലെ നേരം വൈകി വീട്ടിൽ വരാൻ തുടങ്ങി.. വീട്ടിൽ വന്നാൽ കുറച്ചു നേരം കൊച്ചിനെ എടുത്തു കളിപ്പിച്ചു നേരെ ജിമ്മിൽ പോകും.. രാത്രി 9 മണി ആകുമ്പോൾ തിരിച്ചു വരും..ഇതൊരു ശീലം ആയി..

രാവിലെ അവൾ എല്ലാ കാര്യവും ചെയ്തു തരും..

ഇടാനുള്ള ഡ്രസ്സ് ഒക്കെ കുളിച്ചു വരുമ്പോഴേക്കും അയൺ ചെയ്തു വെക്കും.. എന്നാൽ എന്നോട് അധികം സംസാരം ഒന്നും ഇല്ല… വാവയുടെ കാര്യം മാത്രം പറയും..

ഒരു ദിവസം രാത്രി കഴിച്ചു കൊണ്ടിരുന്നപ്പോൾ

“ഞാൻ നിങ്ങളുടെ കാര്യത്തിൽ എടുത്ത തീരുമാനം തെറ്റായി പോയി എന്ന് തോന്നുന്നു..”

എന്ന് അമ്മ പറഞ്ഞു..

ഞാൻ ഒന്നും മിണ്ടിയില്ല.. ഒരു പുച്ഛ പുഞ്ചിരി ഉണ്ടാക്കി ഞാൻ കഴിക്കുന്നത് നിർത്തി പോയി..

അവൾ ഒന്നും മിണ്ടാതെ കുനിഞ്ഞു ഇരുന്നു..

അന്ന് രാത്രി ഞാൻ മൊബൈലും നോക്കി ബെഡിൽ ചാരി ഇരിക്കുകയായിരുന്നു..

അവൾ വന്നു വെള്ളം മേശയിൽ വച്ചു കതക് ചാരി..

“മോൾ എവിടെ?”

“അമ്മയുടെ അടുത്താണ്…”

എന്ന് അവൾ മറുപടി തന്നപ്പോൾ ഞാൻ ഒന്നും മിണ്ടിയില്ല..

അല്ലെങ്കിലും എന്ത് മിണ്ടാൻ? ഇവൾക്ക് എന്നെ കാണുന്നതേ ദേഷ്യം ആണെന്ന് തോന്നുന്നു.. അവളുടെ ഇഷ്ട്ടം ഞാൻ നോക്കിയില്ല… എന്റെ തെറ്റാണ്..

“അമ്മ ഒരു കാര്യം പറഞ്ഞു…”

അവൾ ബെഡിൽ ഇരുന്നു എന്നെ നോക്കി പറഞ്ഞു..