വൈഗ [മാലാഖയുടെ കാമുകൻ] 2144

വൈകുന്നേരം കൂട്ടുകാരെ ഒക്കെ കണ്ടു തിരിച്ചു വന്നപ്പോൾ ആറു മണി ആയി..അച്ഛൻ ഉമ്മറത്ത് ഉണ്ട്..

“അഹ് നീ വന്നോ..? “

“അച്ഛാ… അമ്മ പറഞ്ഞില്ലേ?”

“ഓ അതിനെന്താടാ? അവൾ ഇവിടെ നിന്നോട്ടെ.. ഒന്നുമില്ലെങ്കിലും വീട്ടിൽ ഒരു അനക്കം ഉണ്ടാകുമല്ലോ…”

അച്ഛൻ തെല്ലു വിഷമത്തോടെ ആണ് അത് പറഞ്ഞത്.. സ്വന്തം കൊച്ചു മക്കളെ കാണാൻ യോഗം ഇല്ലാത്തവർ ആണല്ലോ…

ഞാൻ അകത്തേക്ക് നടന്നു.. സ്റ്റെപ് കയറിയപ്പോൾ അവൾ കൊച്ചിനെ എടുത്തു കൊണ്ട് താഴേക്ക് വരുന്നു..

ഒരു ഇളം നീല നൈറ്റി ആണ് ഇട്ടിരിക്കുന്നത്.. കുളി കഴിഞ്ഞു മുടി വിടർത്തി ഇട്ടിരിക്കുന്നു..

“പപ്പ…” മോൾ എന്നെ നോക്കി ചിരിച്ചു.. അവൾ അവളുടെ പപ്പ ആണെന്ന് വിചാരിച്ചിരിക്കാം..

“വാ മോളു…” ഞാൻ കൈ നീട്ടിയപ്പോൾ അവൾ ചാടി വന്നു..

“ഏട്ടാ.. വന്നല്ലേ ഉള്ളു.. അവൾ ശല്യപെടുത്തും.. “

“അതൊന്നും സാരമില്ല.. ഞാൻ നോക്കിക്കോളാം ഇവളെ.. “

അതും പറഞ്ഞു ഞാൻ അവളെ എടുത്തു റൂമിൽ ചെന്നു.. അവളെ ബെഡിൽ വച്ച ശേഷം ഡ്രസ്സ് മാറി ഞാൻ അവളെ വീണ്ടും എടുത്തു താഴേക്ക് ചെന്നു..

പുറത്തേക്ക് നടന്നപ്പോൾ അച്ഛൻ വന്നു അവളെ കൊഞ്ചിച്ചു.. ആരോടും ഒരു പരിഭവവും ഇല്ലാത്തൊരു കുട്ടി…

അവൾ എന്നെ കുറെ ഉമ്മ വച്ചു.. ഇടക്ക് പപ്പ എന്നും വിളിക്കുന്നുണ്ട്..

അപ്പോഴേക്കും അമ്മയും വൈഗയും പുറത്തേക്ക് വന്നു… അവൾ എന്നെ സ്നേഹിക്കുന്നതും നോക്കി അവൾ പുഞ്ചിരിച്ചു..

“ഇവളുടെ പേര് എന്താ വൈഗേ?”

“ഡയാന…”

ചേർന്ന പേര് തന്നെ. ഞാൻ മനസ്സിൽ ചിന്തിച്ചു…

പിറ്റേ ദിവസം രാവിലെ ഞാൻ അവളെയും കൂട്ടി ഡോക്ടറുടെ അടുത്ത് പോയി..

“എന്താ ഏട്ടാ ഇവിടെ?”