??സേതുബന്ധനം 4 ?? [M.N. കാർത്തികേയൻ] 355

ഹരിശ്ചന്ദ്ര ഘട്ട്

സത്യസന്ധതയുടെ പര്യായമായിരുന്ന രാജാ ഹരിശ്ചന്ദ്രൻ അവസാനകാലം കഴിച്ചു കൂട്ടിയത് ചുടലമണമുയരുന്ന ഈ ഘാട്ടിലായിരുന്നുവെന്നു വിശ്വസിക്കുന്നു. മണികർണികയിലെ പോലെ തന്നെ ശവദാഹത്തിനു മാത്രമായാണ് ഹരിശ്ചന്ദ്രഘട്ടിലും ആളുകളെത്തുന്നത്.

തുളസിഘാട്ട്

മഹാകവി തുളസീദാസ് രാമചരിത മാനസം എഴുതിയത് ഇവിടെയിരുന്നാണ്.തുളസി രാമായണം എന്ന മറ്റൊരു പേര് കൂടി രാമചരിതമാനസം എന്ന കാവ്യത്തിനുണ്ട്.

ഹനുമാൻ ഘാട്ട്

ശ്രീരാമൻ തന്റെ ഭക്തനോടുള്ള പ്രിയമറിയിക്കാൻ പണിത ക്ഷേത്രമുള്ള ഹനുമാൻ ഘാട്ടാണ് മറ്റൊരു പ്രധാന കല്പടവ്.രാമശ്വേരം എന്നാണ് ഈ ഘാട്ട് മുൻപ് അറിയപ്പെട്ടിരുന്നത്.

റാണാമഹൽ ഘാട്ട്

അക്കാലത്തെ രാജകുടുംബാഗങ്ങൾക്ക് മതപരമായ ചടങ്ങുകളും മറ്റും നടത്തുന്നതിനു വേണ്ടി നിർമ്മിച്ചതാണ് റാണാ മഹൽ ഘാട്ട്.ഇവിടെ ചെറിയൊരു കൊട്ടാരവും പണി കഴിപ്പിച്ചിട്ടുണ്ട്. ദർഭംഗാ ഘട്ട്, മൻമന്ദിർ ഘാട്ട്,കേദാർ ഘാട്ട്, ശിവ ഘാട്ട് എന്നിങ്ങനെ ഈ നീണ്ടു പോകുന്നു കാശിയിലെ കല്പടവുകൾ വഴി കാട്ടുന്ന ഗംഗയുടെ കടവുകൾ.

പിതൃതർപ്പണത്തിനായാണ് ഇവിടേയ്ക്ക് കൂടുതലും സന്ദർശകരെത്തുന്നത്. കാശിയിൽ ഒരു തവണ പിതൃക്കൾക്ക് തർപ്പണം ചെയ്താൽ ഒരായുസ്സിലേയ്ക്കുള്ള പിതൃതർപ്പണ പുണ്യം ലഭിക്കുമെന്നാണ് വിശ്വാസം. ഇത്രയും ആണ് പ്രധാനം. ഇതിൽ മണി കർണിക,ദശ അശ്വ മേദ്  ഘട്ട് ഒക്കെയാണ് ഏറ്റവും പ്രധാനം.

ഓരോ ഘാട്ടിലേയ്ക്കും പ്രവേശിക്കുന്ന വഴി നീളെ പൂക്കളും, പൂജാസാമഗ്രികൾ വില്ക്കുന്ന കടകളും നിരവധിയാണ്.

ഇവിടെ മരിക്കാൻ വേണ്ടി വരുന്ന ആളുകളുമുണ്ട്. ഇവിടെയൊരു പഴയ കോട്ടയുണ്ട്. അവിടെ പതിനാലു ദിവസം ഒരാൾക്ക് താമസിക്കാം. ആവശ്യത്തിനു ജീവൻ നില നിർത്താൻ ഉള്ള ആഹാരം മാത്രം തരും.  പതിനാലു ദിവസത്തിനുളിൽ മരിച്ചില്ലെങ്കിൽ അവിടം ഉപേക്ഷിച്ചു പോകണം. മരിച്ചാൽ ഇവിടെമണികർണികയിൽ എരിഞ്ഞു ഒടുങ്ങാം. അതിൽപരം പുണ്യം വേറെ ഇല്ല എന്നാണ് പറച്ചിൽ.”