? ഋതുഭേദങ്ങൾ ?️ 09 [ഖല്‍ബിന്‍റെ പോരാളി ?] 798

ആന്ന് രാത്രി ആ റൂമില്‍ കിടന്ന രണ്ടുപേര്‍ക്കും ഉറക്കമുണ്ടായിരുന്നില്ല. മനസില്‍ കിടന്നു എല്ലാ കാര്യങ്ങളും കുഴഞ്ഞുമറിഞ്ഞുകൊണ്ടിരുന്നു. തിരിഞ്ഞും മറിഞ്ഞും കിടന്നിട്ടും അനഘയ്ക്ക് ഉറക്കം വന്നില്ല. മനസില്‍ ചിരിയ്ക്കുന്ന മാളുട്ടിയുടെ മുഖം പലവട്ടം കടന്നു വന്നു. എന്നാല്‍ ദേവിന്‍റെ കുറ്റം ഏറ്റുപറച്ചിലില്‍ ഒരിക്കലും ന്യായികരിക്കാന്‍ തോന്നിയിരുന്നില്ല. സ്വന്തം കുഞ്ഞിനെ ഉപേക്ഷിക്കുന്ന ഒരാളെ സ്നേഹിക്കുന്ന തന്നോട് തന്നെ അവള്‍ക്ക് പുച്ഛം തോന്നി. അങ്ങനെ രാത്രിയെപ്പോഴോ അവള്‍ ഉറക്കത്തിലേക്ക് വീണു.

ഇതേ സമയം ദേവും താഴെ ചിന്തകളിലായിരുന്നു. അനുവിന്‍റെ മനസിലെ ചിന്തകള്‍ എന്താണെന്ന് അവന് മനസിലാക്കാന്‍ സാധിക്കുമായിരുന്നു. ഇതുപോലെയൊരു സന്ദര്‍ഭം വരുമെന്ന് അവനറിയാവുന്നതു കൊണ്ടാണ് അനഘയുമായി ഒരു നിശ്ചിത അകലം പാലിച്ചിരുന്നത്. ഇല്ലെങ്കില്‍ ഈ നിമിഷം വരെ അവളെ ഞാന്‍ ഒന്നും പറയാതെ ചതിയ്ക്കുകയായിരുന്നു എന്നുകുടെ അവള്‍ക്ക് ചിന്ത വന്നേനെ….

✿•••┈┈┈┈┈┈┈┈┈┈┈┈┈┈┈┈┈┈┈•••✿

പിറ്റേന്ന് പതിവ്പോലെ ദേവാണ് ആദ്യം എഴുന്നേറ്റത്. അനഘയെ നേരിടാന്‍ എന്തോ ഒന്ന് അവനെ തടസ്സപ്പെടുത്തിയിരുന്നു. അവന്‍ അവളെഴുന്നേല്‍ക്കും മുമ്പ് റൂം വിട്ടിരുന്നു. അതിനു ശേഷമാണ് അനഘ എഴുന്നേല്‍ക്കുന്നത്. രാത്രി വൈകി കിടന്നതു കൊണ്ട് എഴുന്നേല്‍ക്കാന്‍ അവള്‍ അല്‍പം വൈകിയിരുന്നു.

പ്രഭാതകര്‍മ്മങ്ങള്‍ കഴിഞ്ഞു അനു ഹാളിലേക്ക് വരുമ്പോ മാലു അവിടെയിരുന്നു ടിവി കാണുന്നുണ്ടായിരുന്നു. ദേവും ടോമും അടുക്കളയിലാണെന്ന് അനഘയ്ക്ക് മനസിലായി. അനഘ മാലുവിനടുത്ത് വന്നിരുന്നു.

““ഇന്ന് മൈസുര്‍ ചുറ്റി കറങ്ങാന്‍ പോവുകയാണല്ലേ….”” മാലു ചോദിച്ചു. അനഘ ഒരു ചിരിയില്‍ മറുപടിയൊതുക്കി. തലേന്നത്തെ സംഭവത്തോടെ അതിനുള്ള അവളുടെ ആവേശമെല്ലാം കുറഞ്ഞിരുന്നു.

““ആദ്യമായി വരുന്നോര്‍ക്ക് കുറെ കാണാനുണ്ട്…. ഇവിടെ….”” മാലു അനഘയെ നോക്കി പറഞ്ഞു. അനഘ അതിന് മറുപടിയൊന്നും പറഞ്ഞില്ല. ചിന്തകള്‍ മനസിന്‍റെ കടിഞ്ഞാണ്‍ പിടിച്ചിരുന്നു. പിന്നെ സംസാരം മറ്റു വിഷയങ്ങളിലേക്ക് കടന്നപ്പോള്‍ പതിയെ അനഘയും സംസാരിച്ചുതുടങ്ങി.

കുറച്ച് കഴിഞ്ഞപ്പോ ടോം വന്ന് ഭക്ഷണം കഴിക്കാന്‍ വിളിച്ചു. ടോം മാലുവിനെ പിടിച്ചു മുന്നില്‍ നടന്നു തൊട്ട് പിറകെ അനഘയും. ഇന്നലെ തല്ലുകുടി പോയ രണ്ടുപേരാണ്…. ഇന്നിതാ അടയും ചക്കരയുമായിരിക്കുന്നു. ഡൈനിംഗ് ഹാളില്‍ കഴിക്കാനിരുന്നപ്പോള്‍ ദേവും അനഘയും സൈലന്‍റ് ആയിരുന്നു. അനഘയെ നോക്കാന്‍ പോലും ദേവ് ശ്രമിച്ചില്ല. അനഘ അത് ശ്രദ്ധിച്ചിരുന്നു. അതോടെ അവിടെ മൊത്തം ടോമിന്‍റെയും മാലുവിന്‍റെയും തല്ലുംപിടിയും മാത്രമായി. അതിന്‍റെയിടയില്‍ നിശബ്ദമായി അനഘയും ദേവും ഭക്ഷണം കഴിച്ചു.