Anupama 1

Author : ️SRPN

1.                   എന്റെ കൂട്ടുകാരൻ എഴുതിയ കഥയാണിത്…വെറുമൊരു 15 വയസ്സുകാരൻ

മഴ തകർത്ത് പെയ്തുകൊണ്ടിരിക്കുന്ന ആ രാത്രിയിൽ, പെട്ടെന്ന് തൻ്റെ കതകിൽ ആരോ മുട്ടുന്ന ശബ്ദം കേട്ടാണ് അവൻ ഉറക്കത്തിൽ നിന്നും ഉണർന്നത്.
അവൻ പെട്ടെന്ന് എഴുനേറ്റ് കട്ടിലിൽ ഇരുന്നു. നല്ല കാറ്റും ഉണ്ടായിരുന്നു. ആദ്യം അവൻ കരുതിയത് കാറ്റിനാൽ ഉണ്ടായ ശബ്ദം ആണെന്നാണ്. പിന്നെയും ആ ശബ്ദം ആരോ കതകിൽ അതിശക്തമായി അടിക്കുന്നപോലെ. ആ സമയം കറന്റ്‌ ഇല്ലായിരുന്നു, അടുത്തിരുന്ന മൊബൈലിന്റെ സഹായത്തോടെ അവൻ മെല്ലെ കതകിനരികിലേക്ക് അവൻ അടുത്തു. പെട്ടെന്ന് കതകിലുള്ള അടി നിലച്ചു. അവന്റെ ഹൃദയമിടിപ്പ് കൂടി. പിന്നെയും കതകിൽ അടി കേട്ടു

“രക്ഷിക്കണേ ഒന്ന് കതക് തുറക്കണേ”

ഒരു സ്ത്രീയുടെ എന്ന് തോന്നിക്കുന്ന ശബ്‌ദം. അവൻ എല്ലാ ദൈവങ്ങളെയും വിളിച്ചുകൊണ്ട് ആ കതക് തുറന്നു. അവന്റെ മൊബൈൽ വെളിച്ചത്തിൽ അവൻ കണ്ടത് അതിസുന്ദരിയായ ഒരു പെൺകുട്ടിയെ.
ശക്തമായ മഴയാൽ അവൾ അടിമുടി നനഞ്ഞിരുന്നു. പെട്ടെന്ന് അവൾ വീടിനുളിലേക്കു കയറി കതകടച്ചു.
അവൾ നന്നായി എന്തിനേയോ ഭയക്കുന്നുണ്ടായിരുന്നു. കരച്ചിൽ അടക്കാൻ പറ്റാതെ അവൾ വിങ്ങിപൊട്ടുകയായിരുന്നു.
അവൻ കത്തിച്ച മെഴുകുതിരി വെട്ടത്തിൽ അവൾ അതീവസുധാരിയായി കാണപ്പെട്ടു. ആരെയും മയക്കുന്ന സൗന്ദര്യം.

അവൻ ആ സൗന്ദര്യത്തിൽ മതിമറന്നു നിന്നു. ആ സമയം കറന്റ്‌ വന്നു. കാറ്റും മഴയും നിലച്ചു. അവൻ റൂമിൽപോയി ഒരു തോർത്തും അവന്റെ അനിയത്തിയുടെ ഒരു നല്ല വസ്ത്രവും അവൾക്കു നൽകി. അവൾ അതുമായി റൂമിലേക്ക്‌ നീങ്ങി, ആ നനഞ്ഞ വസ്ത്രം മാറി അവൻ നൽകിയ വസ്ത്രം ധരിച്ചവൾ വന്നു. അവളുടെ കരച്ചിൽ അവൾക്ക് അടക്കാൻ കഴിയുന്നില്ല.
അവളുടെ നിലക്കാത്ത കരച്ചിൽ അവനെ വല്ലാതെ അശ്വസ്തനാക്കി. അവൻ ചോദിച്ചു

“നീ ആരാണ്, നിന്റെ പേരെന്ത്, നീ എവിടുന്ന് വരുന്നു”