? ഋതുഭേദങ്ങൾ ?️ 09 [ഖല്‍ബിന്‍റെ പോരാളി ?] 798

അങ്ങനെ സന്ധ്യയോടടുത്ത് അമ്പലത്തില്‍ കയറി തൊഴുതു. അത്യവശ്യം തിരക്കുണ്ടേങ്കിലും വിചാരിച്ചതിനും നേരത്തെ ദേവിസന്നിധിയില്‍ എത്താന്‍ പറ്റി. അനഘ മാളുട്ടിയുടെ കൈയില്‍ മുറുക്കെ പിടിച്ചു. ആള്‍ക്കുട്ടത്തില്‍ അവളെ കൈവിട്ടുപോകാതിരിക്കാന്‍ അനഘ കാര്യമായി തന്നെ നോക്കിയിരുന്നു.

ദേവിയുടെ മുന്നിലെത്തിയും മാളുട്ടി കണ്ണടച്ചു കൈകുപ്പി പ്രാര്‍ത്ഥിച്ചു തുടങ്ങി. എന്നാല്‍ അവളുടെ പ്രാര്‍ത്ഥനയെല്ലാം ഉറക്കെയായിരുന്നു എന്നു മാത്രം. ദേവേട്ടന് ഒന്നും വരുത്തല്ലേ, മദറമ്മയ്ക്ക് ഒന്നും വരുത്തല്ലേ…. അങ്ങനെ തുടങ്ങി അവളോട് അടുത്ത എല്ലാവരുടെയും പേര് പറഞ്ഞു ഒന്നും വരുത്തല്ലേ എന്ന് പറഞ്ഞു അവള്‍ പ്രാര്‍ത്ഥിച്ചപ്പോ ദേവും അനഘയും അതുനോക്കി ചിരിച്ചിരുന്നു. അവളുടെ പ്രാര്‍ത്ഥനയില്‍ അനഘയും മാലുവും ടോമും എന്തിന് മാലുവിന്‍റെ വയറ്റിലുള്ള കുഞ്ഞാവ പോലും കടന്നു വന്നിരുന്നു. പിന്നെ അവളുടെ പ്രാര്‍ത്ഥന കഴിഞ്ഞപ്പോ തിരികെ പുറത്തേക്ക് ഇറങ്ങി. അപ്പോഴേക്കും എങ്ങും ഇരുട്ട് പടര്‍ന്നിരുന്നു.

പിന്നെ കുറച്ചധികം നേരം ഷോപ്പിംങായിരുന്നു. നേരത്തെ കണ്ടുവെച്ച പലതും മാളുട്ടി ദേവിനെ  കൊണ്ട്‌ വാങ്ങിച്ചു കുട്ടി. ദേവ് അനഘയോട് ഇഷ്ടമുള്ളത് വാങ്ങാൻ പറഞ്ഞെങ്കിലും എന്തോ അവൾ ഒന്നും വാങ്ങാൻ നിന്നില്ല. അതോടെ ദേവ് തനിക്ക് നല്ലതെന്ന് തോന്നുന്ന കുറച്ച് സാധനങ്ങള്‍ അവൾക്കായി വാങ്ങി കൂടെ  നാട്ടിലേക്കു പോകുമ്പോള്‍ കൊണ്ടുപോകാനുള്ള കുറച്ചു കാര്യങ്ങളും. അങ്ങനെ ഷോപ്പിങ് എന്നപേരില്‍ മൂന്നും കുടെ ദേവിന്‍റെ കുറച്ചു കാശങ്ങ് ചിലവാക്കി. എന്നാല്‍ എന്തുസാധനത്തിനും വിലപേശാന്‍ ദേവ് അവര്‍ക്ക് ഒപ്പം തന്നെയുണ്ടായിരുന്നു. അവന്‍റെ കന്നഡ കേട്ടതോടെ പല കച്ചവടക്കാരും അധികം സംസാരിക്കാന്‍ പോയില്ല.

പ്രാര്‍ത്ഥനയും ഷോപ്പിംഗും കഴിഞ്ഞു മാളുട്ടിയ്ക്ക് രണ്ടു ഐസ്ക്രീമും നല്ല രണ്ടു ഓറഞ്ചും കൊടുത്തു അവര്‍ തിരിച്ചുപോരാനൊരുങ്ങി. കിട്ടിയ തക്കത്തിന് അനഘയും ഒരു ഐസ്ക്രീമും ഓറഞ്ചും അകത്താക്കിയിരുന്നു. ശേഷം ഇരുട്ടിലുടെ അവരുടെ വണ്ടി വന്ന വഴിയെ തിരിച്ചിറങ്ങി തുടങ്ങി. പുറത്തിരുട്ടായാത് കൊണ്ടു അനഘയുടെ മുഴുവന്‍ ശ്രദ്ധയും മാളുട്ടിയിലായിരുന്നു. അവളുടെ കൊച്ചു കൊച്ചു സംസാരത്തിനനുസരിച്ചു മറുപടി നല്‍കി അവള്‍ ഇരുന്നു.

അല്‍പദൂരം പിന്നിട്ടതും ഒരു വശത്തായി ദേവ് വാഹനം നിര്‍ത്തി. പെട്ടെന്ന് വാഹനം നിന്നപ്പോ കാരണമറിയാന്‍ അനഘ ദേവിനെ തിരിഞ്ഞു നോക്കി. ദേവ് അനഘയേ നോക്കി ഒന്നു ചിരിച്ചു. കാര്യം അപ്പോഴും അറിയാത്തതുകൊണ്ടു അനഘ പിന്നെയും ദേവിനെ തുറിച്ചു നോക്കി. ദേവ് അപ്പോള്‍ സൈഡിലേക്ക് നോക്കാന്‍ അംഗ്യത്തോടെ പറഞ്ഞു. അനഘ സംശയത്തോടെ സൈഡിലേക്ക് നോക്കി.