? ഋതുഭേദങ്ങൾ ?️ 09 [ഖല്‍ബിന്‍റെ പോരാളി ?] 798

““എന്നെ കൊണ്ടുപോവോ…..”” മാളുട്ടി സന്തോഷത്തോടെ ചോദിച്ചു.

““പിന്നെ…. മാളുട്ടിയെ സൂ ഒക്കെ കാണിക്കനല്ലേ ഞങ്ങള്‍ വന്നത്….”” ദേവ് മറുപടി നല്‍കി.

““ഷൂവോ…..”” മാളുട്ടി കാര്യം മനസിലാവാതെ ചോദിച്ചു.

““ഷൂ അല്ല…. സൂ…. നമ്മുക്ക് സിംഹത്തെ കാണണ്ടേ….”” ദേവ് ചോദിച്ചു.

““ഹാ…. സിംഗം….. നമ്മുക്ക് പോവാം….”” സിംഹമെന്ന് കേട്ടതും അവള്‍ക്ക് ആവേശമായി….

““അല്ല…. അവളുടെ കുളിയൊന്നും കഴിഞ്ഞില്ലലോ…. പിന്നെയെങ്ങനാ…..”” മദര്‍ ചോദിച്ചു.

““ആണോടീ…. നീ കുളിച്ചില്ലേ…..?”” മദറിന്‍റെ സംസാരം കേട്ട് ദേവ് മാളുട്ടിയോട് കള്ളദേഷ്യത്തോടെ ചോദിച്ചു.

““മ്ഛും….”” മാളുട്ടി തോളുകുലുക്കികൊണ്ടു പറഞ്ഞു.

““എന്നാ മദറെ…. ഞാന്‍ ഇവളെ കുളിപ്പിച്ച് വരാം. മദര്‍ അനഘയ്ക്ക് കമ്പനി കൊടുക്ക്….””

““അയ്യോ…. ദേവേങ്ങനെയാ അവളെ…..? മഹവികൃതിയാ….”” മദര്‍ മാളുട്ടിയുടെ സ്വഭാവം ധ്വനിച്ചുകൊണ്ടു പറഞ്ഞു.

““അതൊന്നും സാരമില്ലെന്നെ…. ഞാന്‍ നോക്കിക്കൊള്ളാം….”” ദേവ് അത്രയും പറഞ്ഞു മാളുട്ടിയെയും കൊണ്ട് പുറത്തേക്ക് നടന്നു. അനഘ ഒരു നിമിഷം അതു നോക്കി നിന്നു. ഒരു അച്ഛനും മകളും തമ്മിലുള്ള സുന്ദരനിമിഷങ്ങള്‍…. നടന്നുനിങ്ങുന്ന ഇരുവരുടെയും മുഖത്തുള്ള സന്തോഷം…. ഒരുപക്ഷേ ഇത്രയും നേരം മിണ്ടാതെ ഇരുന്നിരുന്ന ദേവേട്ടന്‍ അവളെ കണ്ടപ്പോ തൊട്ട് വന്ന മാറ്റാം…

അനഘ പിന്നെ കുറച്ച് നേരം മദറുമായി സംസാരിച്ചിരുന്നു. അധികവും ദേവിനെ പറ്റിയായിരുന്നു. ദേവിനെ പറ്റി പറയുമ്പോള്‍ മദറിന് നൂറ് നാവാണ്. വെറും മാളുട്ടിയുടെ സ്പോണ്‍സര്‍ മാത്രമല്ല അവര്‍ക്ക് ദേവ്… അവിടുത്തെ അന്തേവാസികള്‍ക്ക് വേണ്ടിയും ഉച്ചഭക്ഷണമുള്‍പടെ പല കാര്യങ്ങളും ദേവ് ചെയ്യുന്നുണ്ട്. ….

ഏകദേശം അരമണിക്കുറിന് ശേഷം മാളുട്ടിയെയും കൊണ്ട് ദേവ് തിരിച്ചു വന്നു. മാളുട്ടിയെ അവന്‍ കാര്യമായി ഒരുക്കിയിട്ടുണ്ടായിരുന്നു. പുത്തനുടുപ്പായിരുന്നു അവള്‍ ഇട്ടിരുന്നു. പൗഡറിട്ട് കണ്ണെഴുതി പൊട്ടുകുത്തി. ഒരു ഫാന്‍സി മാലയും രണ്ടുകൈയിലും വളകളുമായി മൂടി രണ്ടു കൊമ്പുപോലെ കെട്ടി ഒരു മാലാഖ കൊച്ചിനെ പോലെയുണ്ടായിരുന്നു മാളുട്ടിയപ്പോള്‍….

““വാ… പോവാം അനഗേച്ചി….”” റൂമിലേക്ക് കയറി ഉടനെ മാളുട്ടി വിളിച്ചു പറഞ്ഞു.

““ഹാ…. സുന്ദരികുട്ടി വന്നോ….”” അനഘ അവളെ നോക്കി ചോദിച്ചു. മാളുട്ടി ആ പുകഴ്ത്തലില്‍ ആനന്ദത്തോടെ ചിരിച്ചു കാണിച്ചു. അനഘ എണിറ്റു അവര്‍ക്കരികിലേക്ക് നടന്നു.

““മതറെ ടാറ്റ….”” മാളുട്ടി മദറിനെ നോക്കി ടാറ്റ കാണിക്കുന്നതിനൊപ്പം പറഞ്ഞു.

““അല്ലാ…. മാളുട്ടിയൊന്നും കഴിച്ചില്ലലോ….?”” മദര്‍ ചോദിച്ചു.

““അതു ഞാന്‍ പുറത്തിന്നു വാങ്ങിച്ച് കൊടുത്തോളാം മദറെ….”” ദേവ് ഉടനെ മറുപടി നല്‍കി.