ദുർഗ്ഗ [മാലാഖയുടെ കാമുകൻ] 2183

നെഞ്ചിൽ നനവ്….“വാവേ? കരയുകയാണോ പെണ്ണെ?”

ഞാൻ അവളുടെ മുഖം പൊക്കി.. കരഞ്ഞു കലങ്ങിയ കണ്മഷി എഴുതിയ കണ്ണുകൾ..

“നിക്ക് ന്റെ ഏട്ടനെ കാണാതെ വയ്യാട്ടോ… ഉറങ്ങിയില്ല… ഓടി വന്നതാ ഞാൻ…..”

അത് കേട്ട് എന്റെ ചങ്കു പിടഞ്ഞു പോയി.. മറുപടി ആയി കൊടുത്തത് ഒരു ഉമ്മ ആണ്.. അവളുടെ ചുണ്ടിൽ..

“ഇനി നമുക്ക് ഒരുമിച്ചു പോകാം.. കുളിച്ചു വാ.. “

ഞാൻ അവളെ വിട്ടു കണ്ണാടിയുടെ മുൻപിൽ പോയി നിന്നു തല നന്നായി തുവർത്തി.. ബനിയൻ എടുത്തു ഇട്ടു..

അനക്കം ഒന്നും കേൾക്കാത്തപ്പോൾ തിരിഞ്ഞു നോക്കി.. നാഗവല്ലി ആണ് പുറകിൽ..

എന്നെ ദേഷ്യത്തിൽ നോക്കി നിൽക്കുന്ന ദുർഗ്ഗ..

“എന്താ വാവേ?”

ഞാൻ അവളെ കണ്ടു ചോദിച്ചു..

“ആരുടേയാ ഇത്??”

അവൾ ബെഡിലേക്ക് കൈ ചൂണ്ടി… ഞാൻ നോക്കി.. എനിക്ക് ചിരിയാണ് വന്നത്… അവളുടെ തുണികൾ.. അതിൽ അടിവസ്ത്രങ്ങളും ഉണ്ട്.. ഇന്നലെ അതും കെട്ടിപിടിച്ചു ആണ് ഉറങ്ങിയത്…

“അതാരുടെ ആണെന്ന് നിനക്ക് അറിയില്ലേ?”

ഞാൻ അവളോട് ചോദിച്ചു…ചിരിയോടെ

“ചിരിക്കേണ്ട… എനിക്ക് എല്ലാം മനസിലായി….”

അവളുടെ കണ്ണ് നിറഞ്ഞു…

എനിക്ക് ദേഷ്യം വന്നു.. ഞാൻ അവളുടെ അടുത്ത് ചെന്ന് അവളുടെ മുഖം പൊക്കി..

“അതൊരു പെണ്ണിന്റെ ആണ്.. ദേവതയെ പോലെ ഉള്ള ഒരു പെൺകുട്ടി.. എന്റെ പെണ്ണ്.. എന്റെ മാത്രം.. ഇന്നലെ ഉറക്കം വരാത്തപ്പോൾ ഞാൻ നീ ഊരി ഇട്ട സാധനങ്ങൾ കെട്ടിപിടിച്ചു ആണ് കിടന്നത്… അറിയുമോ?”

“ഇത് ആ വായിൽ നിന്നും കേൾക്കാൻ വേണ്ടി അല്ലെ? എന്റെ വസ്ത്രം കണ്ടാൽ എനിക്ക് അറിയില്ലേ കള്ളാ?”

കരച്ചിൽ മാറി കൊഞ്ചലോടെ ഉള്ള ചോദ്യം… അവളെന്റെ മുഖത്ത് നോക്കി.. പ്രേമം… ലാസ്യ ഭാവം…

“പറ്റിക്കുന്നോടീ പട്ടി?”

ഞാൻ അവളുടെ കവിളിൽ ഒരു കടി കൊടുത്തു…

“ആവൂ… അമ്മെ….”
അവൾ ചിരിച്ചു……