ദുർഗ്ഗ [മാലാഖയുടെ കാമുകൻ] 2183

അവൾ വശ്യം ആയി എന്നെ വിളിച്ചു..“ലക്ഷ്മി.. വാ കുറച്ചു നേരം എന്റെ ഒപ്പം കിടക്ക്‌…”

ഞാൻ അവളുടെ കയ്യിൽ പിടിച്ചു വലിച്ചു.. മുഖത്തു ഒരെണ്ണം കിട്ടിയപ്പോൾ ഞാൻ കണ്ണ് തുറന്നു.

“ലക്ഷ്മി???”

ഞാൻ ചുറ്റും നോക്കി.. ലക്ഷ്മി അല്ല.. ദുർഗ്ഗ മുൻപിൽ.. കോപത്തോടെ… അവൾ ആണ് എന്നെ അടിച്ചത്..

“ഒപ്പം കിടക്കാൻ വല്ല വേശ്യകളെയും വിളിച്ചോ.. അതാണല്ലോ ശീലം.. രാവിലെ വന്നു വിളിച്ച എന്നെ പറഞ്ഞാൽ മതി..”

“അല്ല.. ഞാൻ ലച്ചു വന്നു വിളിച്ചത് പോലെ.. സ്വപ്നം….”

അടി കിട്ടിയ കവിൾ തടവി ഞാൻ പറഞ്ഞപ്പോൾ അവൾ എന്നെ എന്തോ ഭാവത്തിൽ നോക്കി.. ഒരു നിമിഷം അസൂയ മിന്നി മറഞ്ഞോ?

അവൾ ചാടി എണീറ്റ് പുറത്തേക്ക് പോയി.. അവൾ കുളിച്ചു സിന്ദൂരം തൊട്ടു സാരി ഉടുത്തതൊക്കെ ഞാൻ ശ്രദ്ധിച്ചു..

എന്നാലും ഒരെണ്ണം കിട്ടി.. ഛെ.. ലച്ചു വന്നു വിളിച്ചത് സ്വപ്നം ആയിരുന്നോ..

ഞാൻ ബെഡ്ഷീറ് മടക്കി വച്ച് ബാത്‌റൂമിൽ കയറി.. ഫ്രഷ് ആയി താഴേക്ക് ചെന്നു..
ജീവിതം നായ നക്കി എന്ന് മനസിനെ പറഞ്ഞു വിശ്വസിപ്പിച്ചു ഞാൻ താഴേക്കു ചെന്നു..

അച്ഛനുമായി സംസാരിച്ചിരുന്ന ദുർഗ്ഗ. അവർ നല്ല കൂട്ട്‌ ആണ്..

ഇതിപ്പോ ഒരു സീരിയൽ ടൈപ്പ് ആയല്ലോ ദേവി.. കല്യാണം മുടങ്ങി പകരം വേറെ പെണ്ണിനെ കെട്ടുന്നു.. അവൾ സംശയിച്ചു നായകനെ വെറുക്കുന്നു. വീട്ടുകാരുമായി കുഴപ്പം ഒന്നും ഇല്ല താനും.. ആഹാ ഒറ്റപെട്ടു പോകുന്ന നായകൻ.. എനിക്ക് ചിരി വന്നു.

“ഏട്ടൻ എന്താ ഒറ്റക്കിരുന്നു ചിരിക്കൂന്നേ?”

അപ്പുവിന്റെ ചോദ്യം ആണ് എന്നെ ഉണർത്തിയത്.. അവളോട്‌ ചോദിച്ചാലോ? അവൾക്ക് അറിയാമായിരിക്കുമോ? ഏയ് വേണ്ട…

“ഒന്നുമില്ല മോളു… “

ഞാൻ അത് പറഞ്ഞു എങ്കിലും എന്റെ ഭാവ മാറ്റങ്ങൾ അവൾക്ക് വേഗം കിട്ടും.

“എല്ലാം ശരിയാകും ഏട്ടാ…”

അവൾ സങ്കടത്തോടെ പറഞ്ഞു..

ദുർഗ്ഗ എന്നെ നോക്കുന്നത് പോലും ഇല്ലാതായി.. എന്നാൽ ഞാൻ അവളെ നോക്കുന്നുണ്ട്..
എങ്ങനെ നോക്കാതെ ഇരിക്കും..
എന്തൊരു ഭംഗി ആണ് ഇവൾക്ക്.. മുഖ ഭംഗി ശരീര ഭംഗി രണ്ടും ഒത്തിണങ്ങിയ ഒരു പെണ്ണ്..