ദുർഗ്ഗ [മാലാഖയുടെ കാമുകൻ] 2183

“എന്താ? ഞാൻ കിടന്നതു 4 മണി ആയി. അത് വരെ റൂം പൂട്ടി താക്കോൽ എന്റെ കയ്യിൽ തന്നെ ആയിരുന്നു.. വേറെ ആരും കയറില്ല.. എന്താ ദുർഗ്ഗെ?”

“അപ്പോൾ.. അപ്പോൾ എന്റെ ചേച്ചിയെ അടക്കം ചതിക്കുക ആയിരുന്നു അല്ലെ?”

അവൾ മുഖം പൊക്കി.. കരിമഷി എഴുതിയ കത്തുന്ന കണ്ണുകൾ കണ്ടപ്പോൾ ഞാൻ ഒന്ന് പതറി..

“നീ.. നീ എന്താ ദുർഗ്ഗെ?? നീ എന്താ പറഞ്ഞത്?”

ഞാൻ വേവലാതിയോടെ ചോദിച്ചു..

അവൾ തലയിണ മാറ്റി.. അടിയിൽ ഒരു ഇളം റോസ് കവർ. അതെടുത്തു അവൾ എനിക്ക് നേരെ എറിഞ്ഞു.

ഞാൻ അത് പിടിച്ചു തുറന്നു നോക്കി.. ഞെട്ടി.. ഇന്നത്തെ ദിവസം മൊത്തം ഞെട്ടൽ തന്നെ ആണ്.

ഒരു ചുവന്ന കളർ ബ്രാ, വലിയ പാക്കറ്റ് പൊട്ടിച്ച കോണ്ടം, കൂടാതെ ഒരു ഉപയോഗിച്ച കോണ്ടം..

“എവ്വ്‌…”

ഞാൻ അത് നിലത്തിട്ടു..

“ഒഹ്ഹ്ഹ് ഉപയോഗിച്ച ആൾക്ക് തന്നെ അത് കണ്ടിട്ട് അറപ്പു വരുന്നോ???”

അവളുടെ ആ ചോദ്യം കേട്ടപ്പോൾ ആണ് ഞാൻ അകപ്പെട്ട കെണി എത്രത്തോളം വലുതാണ് എന്ന് എനിക്ക് മനസിലായത്..

“ദുർഗ്ഗെ.. ഇത് ഞാൻ ഉപയോഗിച്ചത് ഒന്നും അല്ല. “

ഞാൻ പരിഭ്രമത്തോടെ പറഞ്ഞു.. അവൾ എന്നെ സൂക്ഷിച്ചു നോക്കി.. ഒന്ന് ചിരിച്ചു.

“ആ പേടി കണ്ടാൽ അറിയാം.. കൂടാതെ റൂമിന്റെ താക്കോൽ പോക്കറ്റിൽ ഇട്ടു നടന്നതാണെന്നു സമ്മതിച്ചതും ആണ്..

എന്റെ ചേച്ചിയെ പ്രേമിച്ചു എന്ന് പറയുന്നു.. എന്നിട്ടു ഏതോ പെണ്ണിനെ കല്യാണ തലേന്ന് രാത്രി മൊത്തം ഭോഗിച്ചു..
എന്റെ ചേച്ചി എന്റെ ഒപ്പം ആണ് ഉറങ്ങിയത്.. അപ്പോൾ വേറെ ഏതോ ഒരു പെണ്ണ് തന്നെ… എന്നിട്ട് പിടിക്കപ്പെട്ടപ്പോൾ ന്യായം പറയുന്നോ? നിങ്ങൾക്ക് ഈ പെണ്ണ് എന്ന് പറയുന്ന സാധനം ഭോഗിക്കാൻ വേണ്ടി മാത്രം ആണോ??”

അവളുടെ വാക്കുകൾ ആഴത്തിൽ എന്നെ മുറിവേൽപ്പിച്ചു.. അവൾ ആ കോണ്ടം പാക്കറ്റും ബ്രായും എടുത്തു കയ്യിൽ വച്ചു..

“ഞാൻ കാണിച്ചു കൊടുക്കട്ടെ ഇത് പ്രിയ പെങ്ങൾക്ക്? അവൾ കാർക്കിച്ചു തുപ്പും നിങ്ങളെ…”