🔥അഭിമന്യു🔥 6 [Teetotaller] 318

” ദേവൻ അങ്ങുന്നെ ഭൈരവി ക്ഷേത്രത്തിലെ വിഗ്രഹത്തിന്റെ കാര്യം കൂടി…. “

കരയോഗം പ്രസിഡന്റ് മാധവൻ നായർ ഒരാശംഗ പ്രകടിപ്പിക്കും പോലെ പറഞ്ഞു….

 

” മാധവൻ നായരെ ഇനിയിപ്പോ പോയതും നോക്കിയിരുന്ന ഉൽസവം നടക്കുമ്പോ വല്ല കൽപ്രതിമ എടുത്തു വെക്കേണ്ടി വരും…..

പോലീസ് അന്വേഷണം അവരുടെ രീതിയിൽ പോട്ടെ……. പഞ്ചലോഹമെങ്കിൽ പഞ്ചലോഹം അത് ഇന്ദ്രപ്രസ്ഥത്തിന്റെ വക ….. എന്താ പോരെ….*

ഗൗരവത്തോടെ തന്നെ മഹാദേവൻ മാധവനെ നോക്കി പറഞ്ഞു

 

” മതി അത് മതി….. 

ഇതിൽ കൂടുതൽ എന്താ വേണ്ടേ….. അല്ലെ സുധാകരാ…..”

അടുത്തിരുന്ന പ്രമാണിയായ സുധാകരനെ നോക്കി സന്തോഷത്തോടെ മാധവൻ ചോദിച്ചു….

 

“ഹാ പിന്നെ എന്താ……

എന്നാലും ഇതിപ്പോ ഈ രണ്ടു വർഷത്തിനുള്ളിൽ മൂന്നാമത്തെ മോഷണ….  രണ്ടു വട്ടം നിലവറയിലും ഇപ്രാവശ്യം ദേവി ക്ഷേത്രത്തിലും കോടികണക്കിന് ഉറുപ്പ്യടെ മുതൽ അല്ലെ മാധവ നഷ്ട്ടപ്പെട്ടത് അതിലൊരു വിഷമം മാത്രം….”

കപട വിഷമത്തോടെ സുധാകരൻ മാധവനെ നോക്കി….

 

“നീ എന്താ പറഞ്ഞു വരുന്നേ സുധാകരാ….”

സംശയത്തോടെ മാധവൻ സുധാകരനെ നോക്കി…..

 

“അല്ല നമ്മുടെ അഭിമന്യു ഇവിടെ നിന്നും മാറിയ ശേഷം അല്ലെ ഇതൊക്കെ നടന്നെ …. ആ ചെക്കൻ ഇവിടെ ഉണ്ടേൽ ഈ പറഞ്ഞവൻ മാരൊന്നും കക്കാനും മോഷ്ടിക്കാനും ഇന്ദ്രപ്രസ്ഥത്തിന്റെ പടിക്കടക്കോ…. ഇല്ലാലോ….. “

 

“താൻ എന്താ ഉദ്ദേശിച്ചേ…..”

 

“ഭൈരവ ക്ഷേത്രത്തിനു അഭിമന്യു കൊടുക്കുന്ന സംരക്ഷണം ദേവി ക്ഷേത്രത്തിനും നിലവറക്കും നൽക്കണം അത്ര തന്നെ…..”

മഹാദേവൻ തന്നെ നോക്കുന്നുണ്ട് എന്ന് മനസിലായതും സുധാകരൻ പെട്ടെന്നു തന്നെ തല വെട്ടിച്ച് അങ്ങോട്ട് നോക്കാതെ യോഗത്തിൽ ഇരിക്കുന്ന നാട്ടു പ്രമാണിമാരെ നോക്കി പറഞ്ഞു……

 

പലരും പരസ്പ്പരം തങ്ങളുടെ അഭിപ്രായങ്ങൾ പങ്കുവെച്ചു… എല്ലാവരുടെയും അഭിപ്രായം അത് തന്നെയെന്ന് അവരുടെ മുഖഭാവം എടുത്തു പറയുന്നുണ്ടായിരുന്നു….

 

“മ്മ് ഉചിതം പോലെ ചെയ്യാം…..”

അവരുടെ ആവിശ്യങ്ങൾ മനസിലായ മഹാദേവൻ താൽപ്പര്യമില്ലയെങ്കിലും മറുപടി കൊടുത്തു…..

 

“അപ്പൊ എല്ലാം പറഞ്ഞതു പോലെ….”