💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

ആ സ്റ്റിക്ക് കൊണ്ട് അജു മുന്നിൽ നിൽക്കുന്നവന്റെ തലയിലേയ്ക്ക് അഞ്ഞടിച്ചു . മറ്റൊരുത്തൻ ഓടി വരുന്നത് കണ്ടതും അജു വേഗം ഒന്ന് വട്ടം കറങ്ങി വന്നവന്റെ പുറകിൽ മുതുകിലായി ശക്തിയായി സ്റ്റിക്ക് കൊണ്ടിടിച്ചു … അടി കൊണ്ടവൻ ഒന്ന് മുന്നിലേയ്ക്ക് ആഞ്ഞ് കാറിന്റെ ബോണറ്റിൽ ചെന്ന് തലയിടിച്ച ശേഷം റോഡിലേയ്ക്ക് മറിഞ്ഞ് വീണു ….

വീണ്ടും തന്റെ നേരെ വന്നവരുടെ നെഞ്ചിലേയ്ക്കും വയറിലേയ്ക്കും കയ്യിലേയ്ക്കുമെല്ലാം അവനാഞ്ഞ് സ്റ്റിക്ക് വീശി … സ്റ്റിക്ക് കൊണ്ടുള്ള പ്രഹരം ഏറ്റ് അവന്മാർ ഉറക്കെ നിലവിളിച്ചു . ഒടുവിൽ അവന്റെ മുന്നിൽ അവർക്ക് പിടിച്ച് നിൽക്കാൻ കഴിയാതെയായി …

” അണ്ണാ …. ഇനിയും ഇവിടെ നിന്നാൽ ഇവൻ നമ്മളെ ഓരോരുത്തരെയായി തീർക്കും …. വിട്ടോ … ”

അതിലൊരുത്തൻ അതും പറഞ്ഞ് വേഗം ഡ്രൈവിങ് സീറ്റിൽ കയറി വണ്ടി സ്റ്റാർട്ട് ചെയ്തു .
മരണവേദനയോടെ ബാക്കിയുള്ളവന്മാർ എങ്ങനെയോ ഒക്കെ കാറിൽ വലിഞ്ഞ് കയറി , ഉടനെ കാറ് മുന്നോട്ട് നീങ്ങി വളരെ വേഗത്തിൽ അവരവിടുന്ന് പോയി .

അജു തന്റെ കയ്യിലിരുന്ന സ്റ്റിക്ക് റോഡിന് ഒരു വശത്തേയ്ക്ക് വലിച്ചെറിഞ്ഞു . നോക്കുമ്പോൾ ആ യുവതി ഇതെല്ലാം കണ്ട് ഒരു പേടിയോടെ അവനെ നോക്കി നിൽക്കുകയാണ് …. കാഴ്ചയിൽ ഒരു ഇരുപത് വയസ്സിനോടടുത്ത് തോന്നിക്കും , ഒരു സുന്ദരി പെൺകൊച്ച് . ജീൻസും ടോപ്പുമാണ് വേഷം …

അജു റോഡിൽ മറിഞ്ഞ് കിടക്കുകയായിരുന്ന അവളുടെ സ്കൂട്ടി ഉയർത്തി സ്റ്റാന്റിൽ ഇട്ട് വച്ച ശേഷം അവളുടെ അടുത്തേയ്ക്ക് നടന്നു ….