💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

 

 

” ആ അനിരുദ്ധനും നിവേദും മരിച്ചു , കുറച്ച് വർഷങ്ങൾക്ക് മുൻപ് . കാർ ആക്സിഡന്റ് ആയിരുന്നു . ശരീരഭാഗങ്ങൾ പോലും പല സ്ഥലത്തായി ചിതറിപ്പോയി എന്നാ പറഞ്ഞ് കേട്ടത് , ദൈവം കല്പിച്ചത് പോലെ നരകിച്ചുള്ള മരണം … ഹ് … ”

യദു അവനോട് പറഞ്ഞു . പക്ഷെ അജുവിന്റെ മുഖത്ത് ഭാവമാറ്റമൊന്നും ഉണ്ടായില്ല ….
അവനുടനെ ബെഞ്ചിൽ നിന്ന് എണീറ്റു ….

 

” പഴയ ജീവിതം അതെനിക്കിപ്പൊ നൊമ്പരം മാത്രം സമ്മാനിക്കുന്ന ഓർമ്മകളാ ….. മറക്കാൻ ശ്രമിച്ചാലും മറക്കാൻ കഴിയാത്ത വെറും ഓർമ്മകൾ ….

ഞാൻ ഇറങ്ങുവാ …. നെരെ സ്നേഹദീപത്തിലേയ്ക്ക് . ഫാദറിനെയും മറ്റുള്ളവരെയും ഒന്ന് കാണണം , ഒരു വാക്ക് അറിയിക്കാതെ ഞാനന്ന് നാട് വിട്ടതല്ലേ അതിന്റെ പിണക്കം കാണും അത് തീർക്കണം . പിന്നെ അവിടുന്ന് റെയിൽവേ സ്റ്റേഷൻ …. ഇനി നമ്മൾ തമ്മിൽ ഒരു കൂടിക്കാഴ്ച അതുണ്ടാകുമെന്ന് തോന്നുന്നില്ല . ”

അജു പറഞ്ഞ ശേഷം മുന്നോട്ട് നടന്നു പുറകെ യദുവും …. പടിക്കെട്ടുകൾ ഇറങ്ങി അവർ ക്യാമ്പസിന് പുറത്ത് വന്നു . അപ്പോഴാണ് ദേവു തങ്ങളുടെ നേരെ നടന്ന് വരുന്നത് അവൻ കണ്ടത് , അവളുടെ കയ്യിൽ ഒരു കുഞ്ഞും ഉണ്ട് .

 

” ഞങ്ങളുടെ മോളാ …. ”

ആ കുഞ്ഞിനെ കയ്യിൽ വാങ്ങിച്ചു കൊണ്ട് യദു പറഞ്ഞു . മറുപടിയായി അവനൊന്ന് പുഞ്ചിരിക്കുക മാത്രം ചെയ്തു . ദേവുവിന്റെ മുഖത്ത് തന്നോടിപ്പോൾ ദേഷ്യം ഉള്ളതായി അവന് തോന്നിയില്ല , ഒരു നേർത്ത പുഞ്ചിരിയാണ് അവളുടെ മുഖത്ത് …

 

അവൻ ഒന്നും പറയാൻ നിൽക്കാതെ മുന്നോട്ട് നടന്നു , നേരെ ചെന്ന് ആ ടാക്സി കാറിൽ കയറി ഉടനെ കാറ് മുന്നോട്ട് നീങ്ങി , അതും നോക്കി യദു നിൽപ്പുണ്ടായിരുന്നു . ദേവു അവന്റെ അടുത്തായി വന്നു …

 

” ഏട്ടൻ അജുവിനോട് എല്ലാം പറഞ്ഞോ ….. ? ”

അവൾ ആകാംക്ഷയോടെ അവനോട് ചോദിച്ചു ….

 

” ഇല്ല …… ഒന്നും പറഞ്ഞില്ല …… അവൻ മടങ്ങിപ്പോകാൻ തയ്യാറെടുത്താ വന്നിരിക്കുന്നേ , ഇന്ന് തന്നെ പോകുമെന്ന് . ”

അവൻ നിരാശയോടെയാണ് മറുപടി നൽകിയത് ….

 

” അജു മടങ്ങിപ്പോകുന്നതിന് മുൻപ് അവനെ അതൊക്കെ അറിയിക്കണ്ടേ …… അത് നമ്മുടെ കടമയല്ലേ ….? ”

അവൾ അവനോട് ചോദിച്ചു …. അവനൊന്നും പറയാതെ ദൂരേയ്ക്ക് അകന്ന് മറയുന്ന ആ കാറിനെ നോക്കി അങ്ങനെ നിന്നു .

 

 

തുടരും ………………….. ,

 

 

അടുത്ത ഭാഗത്തോടുകൂടി ഈ കഥ അവസാനിക്കും , സമയം കിട്ടുന്നത് പോലെ എഴുതി പബ്ലിഷ് ചെയ്യുന്നതായിരിക്കും ….

 

ഈ ഭാഗം ഇഷ്ട്ടമായെങ്കിൽ പോകുന്നതിനു മുൻപ് ഇതൊന്ന് ❤️ ചുവപ്പിച്ചേക്കണേ ….. നിങ്ങളുടെ വിലപ്പെട്ട അഭിപ്രായങ്ങൾ ✍️കമന്റായും പ്രതീക്ഷിക്കുന്നു .
🙏🙏🙏 ……..

 

 

സ്നേഹത്തോടെ ….,

 

 

വിച്ചു [ ചെകുത്താനെ സ്നേഹിച്ച മാലാഖ ]