💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

ഒടുവിൽ അജുവിന്റെ ബുള്ളറ്റ് വന്ന് നിന്നത് ആ മലമുകളിലെ ക്ഷേത്രത്തിന് താഴെയായുള്ള റോഡിലാണ് …. അജു ബുള്ളറ്റ് നിർത്തിയതും അവൾ ഇറങ്ങി ഒരു പുഞ്ചിരിയോടെ അവനെ നോക്കി നിന്നു .

” എന്താ ഇവിടെ ? ഇവിടെ എന്ത് കടമാ അജുവിന് ചെയ്ത് തീർക്കാനുള്ളേ …..? ”

സംശയത്തോടെ അവളവനോട് ചോദിച്ചു .

” അതൊക്കെ പറയാം …. താൻ വാ …. ”

അവനതും പറഞ്ഞ് അവളുടെ കയ്യും പിടിച്ച് മുന്നോട്ട് നടന്നു . അവർ രണ്ട് പേരും ആ ക്ഷേത്രത്തിലേയ്ക്കുള്ള പടിക്കെട്ടുകൾ ഓരോന്നായി കയറാൻ തുടങ്ങി . കുറച്ച് പടിക്കെട്ടുകൾ കയറിയതും അവൾ നന്നേ തളർന്നു ….

” എനിക്ക് വയ്യ അജൂ …. കുറച്ച് ദിവസമല്ലേ ആയിട്ടുള്ളൂ നേരെ നടന്ന് തുടങ്ങിയിട്ട് അതിന്റെയാകും …. ”

അവൾ ഒരു കിതപ്പോടെ പറഞ്ഞു ….

” ഞാനെടുത്തോണ്ട് പോയാലോ …. ? ”

അവനത് ചോദിച്ചതും അവളവന്റെ കണ്ണുകളിലേയ്ക്ക് നോക്കി …

” വേണ്ട … താൻ പതിയെ സമയമെടുത്ത് പടികൾ കയറിയാൽ മതി , അത് തന്നെയാകും തന്റെ കണ്ണനും ആഗ്രഹിക്കുന്നേ …. ”

അവനവളോട് പറഞ്ഞു ….

അൽപ്പ നേരം അവിടെ ഇരുന്ന ശേഷം അവർ വീണ്ടും മുന്നോട്ടുള്ള പടികൾ കയറാൻ തുടങ്ങി , ഒടുവിൽ ക്ഷേത്രത്തിന് മുന്നിലെത്തി ….
അവിടെ രാവിലെയുള്ള പൂജകളും മറ്റും നടക്കുകയായിരുന്നു , അജുവും അഹാനയും തൊഴുകൈകളോടെ അവിടെ നിന്ന് പ്രാർത്ഥിച്ചു ….