💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

” അല്ല … ഇവിടെ ആരും ഇല്ലേ ? താൻ കൂട്ടുകാരികളോടൊപ്പമാണ് താമസം എന്ന് പറഞ്ഞിട്ട് ”

അവൻ സംശയത്തോടെ ചോദിച്ചു …

” ഞാൻ പറഞ്ഞത് സത്യമാ … ഞങ്ങൾ നാല് പേരാ ഇവിടെ … ഒരാൾ ഇന്ന് നാട്ടിൽ പോയി … ബാക്കി രണ്ടെണ്ണം സിനിമാ പ്രാന്തികളാ … ഏതോ ഒരു പുതിയ പടം ഇറങ്ങി അത് കാണാൻ പോയിരിക്കുവാ …. ഞാനും അവരോടൊപ്പം പോയേനെ പക്ഷെ അവളെ റെയിൽ വേ സ്റ്റേഷനിൽ എത്തിക്കേണ്ടത് കൊണ്ട് പോകാനായില്ല … അവരുടനെ വരും …. ഏട്ടനിരിക്ക് . ”

അവളതും പറഞ്ഞ് മുന്നിലെ സെറ്റിയിലേയ്ക്ക് വിരൽ ചൂണ്ടി , അവനതിൽ ഇരുന്നു . ജെന്നി നേരെ കിച്ചണിലേയ്ക്ക് കയറി … അവൻ അവിടെ ഇരുന്ന് ചുറ്റുമൊന്ന് നിരീക്ഷിച്ചു ….

അൽപ്പം കഴിഞ്ഞതും ഒരു ഗ്ലാസ്സിൽ കൂൾ ഡ്രിംഗ്സുമായി അവൾ അവന്റെ അടുത്ത് വന്നു , അവനത് പുഞ്ചിരിയോടെ വാങ്ങി … നല്ല തണുപ്പുള്ളത് കൊണ്ട് അവൻ പതിയെ അത് കുടിച്ചിറക്കി , ഇടയ്ക്ക് വാച്ചിലേയ്ക്ക് നോക്കി .. സമയം നന്നേ വൈകിയിരിക്കുന്നു ….

” എന്നാ ശരി …. താങ്ക്സ് ജെന്നി …. ”

ഒരു പുഞ്ചിരിയോടെ അവനതും പറഞ്ഞ് മുന്നിലെ റ്റീപ്പോയുടെ പുറത്ത് ഗ്ലാസ്സ് വച്ച ശേഷം സെറ്റിയിൽ നിന്നെണീറ്റു , മറുപടിയായി അവളും ഒന്ന് പുഞ്ചിരിച്ചു …

അവൻ മുന്നോട്ട് നടക്കാൻ തുടങ്ങിയതും അവന് തല കറങ്ങുന്ന പോലെ തോന്നി , തന്റെ ബാലൻസ് നഷ്ടമാകുന്ന പോലെ …