💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

അവന്റെ സാമിപ്യം മോൾക്ക് എത്രമാത്രം സന്തോഷം തരുന്നു എന്ന് എനിക്കറിയാം , പല തവണ ഞാനത് നേരിൽ കണ്ട് മനസ്സിലാക്കിയിട്ടുള്ളതാ .. എന്റെ മോളുടെ ഇഷ്ടവും സന്തോഷവും തന്നെയാ ഈ അച്ഛന് ഏറ്റവും വലിയത് .. അത് കഴിഞ്ഞിട്ടേ മറ്റെന്തും ഉള്ളൂ …… പിന്നെ അവൻ എന്റെ ദേവന്റെ മകനല്ലേ ….? ഇതിനെക്കാൾ ഉത്തമനായ ഒരാളെ എന്റെ മോൾക്ക് ഈ അച്ഛന് കണ്ട് പിടിക്കാൻ കഴിയില്ല ….. ”

അയാൾ ഒരു പുഞ്ചിരിയോടെ പറഞ്ഞു . അത് കേട്ടതും അവൾക്കും വളരെ സന്തോഷമായി , മനസ്സിൽ കൊണ്ട് നടന്ന ഒരു വലിയ ചോദ്യത്തിന് ഉത്തരം ലഭിച്ച ആശ്വാസവും സമാധാനവുമായിരുന്നു അവളുടെ മനസിൽ …

പിന്നീടുള്ള ചില മാസങ്ങൾ അവരുടെ ജീവിതത്തിൽ നിന്ന് വളരെ വേഗം കടന്ന് പോയി ….

ഇതിനിടയിൽ അഹാന ഹോസ്പിറ്റലിൽ നിന്ന് തന്റെ വീട്ടിലേയ്ക്ക് മടങ്ങി വന്നു … അജുവിന്റെ കൈ പിടിച്ച് തന്നെ അവൾ വീണ്ടും തന്റെ പാദങ്ങൾ നിലത്ത് ഊന്നി പതിയെ പതിയെ നടക്കാൻ തുടങ്ങി … വേച്ച് വീഴാൻ പോവുമ്പോൾ ഒരു താങ്ങായി അവന്റെ കൈകൾ അവളുടെ അരികിൽ തന്നെ ഉണ്ടായിരുന്നു . യദുവും ദേവുവും എല്ലാ സപ്പോർട്ടും നൽകി അവളുടെ ഒപ്പം തന്നെ ഉണ്ടായിരുന്നു അവളുടെ മടങ്ങി വരവിന് കൂട്ടായി …. കോളേജ് കഴിഞ്ഞ് അവരെല്ലവരും അഹാനയുടെ വീട്ടിൽ ഒത്ത് ചേരും , കളിയും ചിരിയുമായി അങ്ങനെ ദിവസങ്ങൾ കഴിഞ്ഞു പോയി …… ഈ ദിവസങ്ങളിൽ അന്ന് ബീച്ചിൽ വച്ച് തങ്ങളെ ആക്രമിച്ചവരെ അജു തിരഞ്ഞെങ്കിലും കണ്ടെത്താൻ കഴിഞ്ഞില്ല