💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

” എന്താ പ്രശ്നം …. ? ”

” അറിയില്ല .. ഇതിന് മുൻപ് ഇങ്ങനെ വന്നിട്ടില്ല … ”

” താനൊന്ന് മാറ് ഞാൻ നോക്കട്ടെ …. ”

അജു പറഞ്ഞതും അവൾ സ്കൂട്ടിയിൽ നിന്നിറങ്ങി . അജു ആ സ്കൂട്ടിയിൽ കയറി സ്റ്റാർട്ട് ചെയ്യാൻ നോക്കി , പക്ഷെ അവനും അതിന് കഴിഞ്ഞില്ല ….

” ഇത് മെക്കാനിക്കിനെ കാണിക്കേണ്ടി വരുമെന്ന് തോന്നുന്നു …. ”

അജു അത് പറഞ്ഞ ശേഷം വാച്ചിലേയ്ക്ക് നോക്കി …

‘ ഇനിയും ഇവിടെ നിന്ന് സമയം കളയുന്നത് ശരിയല്ല …. പക്ഷെ ഈ രാതിയിൽ അതും ഈ വിജനമായ സ്ഥലത്ത് ഒരു പെൺകുട്ടിയെ വിട്ടിട്ട് പോകുന്നതും നന്നല്ല അതും ഇങ്ങനെ ഒരു സംഭവം നടന്ന സ്ഥിതിക്ക് , അവർ ചിലപ്പോൾ ഇനിയും തിരികെ വരാൻ സാധ്യതയുണ്ട് … ‘

അവൻ മനസ്സിൽ വിജാരിച്ചു ….

അജു സ്കൂട്ടിയിൽ നിന്നിറങ്ങി അത് ഉരുട്ടി റോഡിൽ നിന്ന് അൽപ്പം അകലെയായി കൊണ്ട് വച്ച ശേഷം ലോക്ക് ചെയ്ത് താക്കോൽ അവളുടെ കയ്യിൽ കൊടുത്തു ….

” ഇനിയും ഇവിടെ നിൽക്കുന്നതിൽ അർത്ഥമില്ല അതും ഈ സമയത്ത് . ഞാൻ അത്യാവശ്യമായി ഒരിടം വരെ പോകുന്ന വഴിയാ …. എന്തായാലും തന്റെ വീട് അധിക ദൂരം ഇല്ലല്ലോ ഞാൻ കൊണ്ട് ചെന്നാക്കാം , തന്റെ വണ്ടി നാളെ ഫ്രണ്ട്സിനോട് പറഞ്ഞ് വർഷോപ്പിലേയ്ക്ക് മാറ്റിയാൽ മതി . ”

അജു അതും പറഞ്ഞ് ബുള്ളറ്റിൽ കയറി സ്റ്റാർട്ട് ചെയ്തു , പക്ഷെ അവൾ ഒരു മടിയോടെ അവനെ നോക്കി നിൽക്കുകയാണ് ….