💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

ഹാ ….. കഴിഞ്ഞതൊക്കെ കഴിഞ്ഞു … തന്നെ മറക്കാൻ മാത്രം എനിക്കിതു വരെ കഴിഞ്ഞില്ല … തന്റെ അസുഖമെല്ലാം മാറിയ വിവരം ഞാനറിഞ്ഞു , എന്റെ പ്രാർത്ഥനയിൽ താനുണ്ടായിരുന്നു എന്നും ….. താനിപ്പോൾ ഒരാളുമായി ഇഷ്ടത്തിലാണെന്ന് ഞാനറിഞ്ഞു …. അതറിഞ്ഞപ്പോൾ ആദ്യമെനിക്ക് സങ്കടമാ വന്നത് , പിന്നെ ആലോചിച്ചപ്പോൾ മനസ്സിലായി എല്ലാ തെറ്റും എന്റെ ഭാഗത്തല്ലേ എന്ന് …

തനിക്ക് എന്നും നല്ലത് വരണമെന്ന് മാത്രമാ എന്റെ ഉള്ളിൽ …. അതു കൊണ്ട് നിന്നെ സ്നേഹിക്കുന്നവൻ നിന്നെ ആത്മാർത്ഥമായാണോ സ്നേഹിക്കുന്നത് എന്നെനിക്കറിയണമെന്ന് തോന്നി , അങ്ങനെ സംശയിക്കാൻ ചില കാരണങ്ങൾ കൂടിയുണ്ടായിരുന്നു ….

അർജൻ , അവനെപ്പറ്റി ഞാനന്വേഷിച്ചു , ഒരുപാട് ദിവസം അവനെ ഫോളോ ചെയ്തു …. അതിൽ നിന്നെനിക്ക് ചില കാര്യങ്ങൾ വ്യക്തമായി …. അവൻ ചതിയനാ …. തന്റെ മുന്നിൽ കാണിക്കുന്നതൊക്കെ കപട സ്നേഹമാ … നല്ല ഒന്നാന്തരം ആക്ടിങ് , തന്നോടുള്ള പകരം വീട്ടാൻ അവൻ കണ്ടെത്തിയ വഴിയാ ഈ പ്രേമം …. എന്റെ വാക്കുകൾ വിശ്വസിക്കണ്ട ഞാനൊരു വീഡിയോ അയയ്ക്കുന്നുണ്ട് ഒന്ന് കണ്ട് നോക്ക് …. ”

പ്രണവിന്റെ ആ വോയിസ് മെസേജ് കേട്ട് ദേവുവും അഹാനയും ഒരുപോലെ ഞെട്ടി … അഹാന വേഗം ദേവുവിന്റെ കയിൽ നിന്ന് ഫോൺ വാങ്ങി നോക്കി … അതിൽ ഒരു വീഡിയോ വന്ന് കിടപ്പുണ്ടായിരുന്നു , അവൾ അത് പ്ലേ ചെയ്ത് നോക്കി …