💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

ആ യുവതി തന്റെ പരമാവധി ശക്തി ഉപയോഗിച്ച് അവരുടെ കയ്യിൽ നിന്നും രക്ഷപ്പെടാൻ ശ്രമിക്കുന്നുണ്ടെങ്കിലും സാധിക്കുന്നില്ല … അജു ആ കാഴ്ച കണ്ട് ഒന്ന് ഞെട്ടി …. അവനൊന്ന് ചുറ്റും നോക്കി , ജനവാസമില്ലാത്ത സ്ഥലമാണ് കൂടാതെ റോഡിൽ മറ്റ് വാഹനങ്ങളും ഇല്ല .

ആ കാറിൽ വന്നവർ ബുള്ളറ്റിന്റെ ശബ്ദം കേട്ടതും അവളെ വേഗത്തിൽ കാറിനുള്ളിലേയ്ക്ക് കയറ്റാൻ ശ്രമിച്ചു …. അജു വേഗം ബുള്ളറ്റ് സ്റ്റാന്റിലിട്ട് ഇറങ്ങി അവരുടെ നേരെ തിരിഞ്ഞു ….

” നിങ്ങളിതെന്താ കാണിക്കുന്നേ … ? ആ പെണ്ണിനെ വിട് …. ”

അജു ഉറക്കെ പറഞ്ഞു . അത് കേട്ടതും അതിലൊരുത്തൻ അവനെ സൂക്ഷിച്ച് നോക്കി …

” തടി കേടാവണ്ടെങ്കിൽ വീട്ടിൽ പോടാ …. പിന്നെ നീ ഒന്നും കണ്ടിട്ടുമില്ല കേട്ടിട്ടുമില്ല , മ് വിട്ടോ വിട്ടോ …. ”

അയാൾ അവനോട് ശബ്ദമുയർത്തി …

” പ്ലീസ് ഹെൽപ്പ് …. ന്നെ എന്നെ രക്ഷിക്കണേ … ”

ആ യുവതി സഹായത്തിനായി നിലവിളിച്ചു …

” പന്ന @#₹@#₹ മോളെ മിണ്ടാതിരിയടി …. ”

അതിലൊരുത്തൻ അതും പറഞ്ഞ് അവളുടെ കരണത്ത് ആഞ്ഞടിച്ചു …. അജുവിനോട് സംസാരിച്ചയാൾ അവനെ ഒന്ന് സൂക്ഷിച്ച് നോക്കിയ ശേഷം കാറിലേയ്ക്ക് കയറി . അയാൾ ഡോർ അടയ്ക്കാൻ തുടങ്ങിയതും അജു വേഗം ഡോറിൽ ശക്തമായി പിടിച്ചു , അയാൾ എത്ര ശ്രമിച്ചിട്ടും അവന്റെ ബലത്തിനൊത്ത് എത്താനായില്ല ….

” …… ഡാ …… ”

അയാൾ കാറിനകത്തിരുന്നു കൊണ്ട് അലറി വിളിച്ചു ….