💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

അവർ അങ്ങനെ ഓരോരോ കാര്യങ്ങൾ സംസാരിച്ച് യാത്ര തുടർന്നു . ഒടുവിൽ ഒരു ഇരുനില വീടിന് മുന്നിൽ അവൻ ബുള്ളറ്റ് ഒതുക്കി നിർത്തി ….

” എന്നാൽ ശരി , എവിടെയെങ്കിലും വച്ച് കാണാം … ”

അവനതും പറഞ്ഞ് വണ്ടി മുന്നോട്ട് എടുക്കാൻ ഒരുങ്ങിയതും .

” ഏട്ടൻ ആദ്യമായി വന്നതല്ലേ …. ഒരു ഗ്ലാസ്സ് വെള്ളം കുടിച്ചിട്ട് പോകാം … ”

അവൾ അവനോട് ചോദിച്ചു …

” ഏയ് ഇല്ല …. ഇപ്പൊ തന്നെ ഏറെ വൈകി …. ”

” ഏട്ടാ ഒരു അഞ്ച് മിനിട്ട് … എന്നെ അവന്മാരുടെ കയ്യിൽ നിന്ന് രക്ഷിച്ച് ഇവിടെ വരെ സുരക്ഷിതമായി എത്തിച്ചിട്ട് ഏട്ടന് ഒരു ഗ്ലാസ്സ് വെള്ളമെങ്കിലും തരാതെ വിട്ടാൽ എനിക്ക് മനസ്സമാധാനം കിട്ടില്ല …. പ്ലീസ് ഏട്ടാ ഒരു അഞ്ച് മിനിട്ട് …. ”

അവൾ അപേക്ഷ ഭാവത്തിൽ ചോദിച്ചു … അവളുടെ ദയനീയമായ മുഖം കണ്ടപ്പോൾ അവനും സങ്കടമായി …. എന്തായാലും വൈകി , ഒരു അഞ്ച് മിനിട്ടിന്റെ കാര്യമല്ലേ എന്നോർത്ത് അവൻ ബുള്ളറ്റ് റോഡിന് വശത്തായി സ്റ്റാന്റിട്ട് വച്ച ശേഷം ഇറങ്ങി ….

” വാ ഏട്ടാ … ”

അവൾ സന്തോഷത്തോടെ വിളിച്ചു , ശേഷം അവൾ ഗേറ്റ് തുറന്ന് അകത്ത് കയറി പുറകേ അവനും . വീടിന് മുന്നിലെത്തിയതും അവൾ പേഴ്സിൽ നിന്ന് താക്കോലെടുത്ത് ഡോർ തുറന്നു .