💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

അഹാനയെ ICU വിൽ നിന്ന് റൂമിലേയ്ക്ക് മാറ്റിയ ദിവസം .

ചരിഞ്ഞ ബെഡ്ഡിൽ മയങ്ങി കിടക്കുകയാണ് അവൾ … തലയിൽ ഓപ്പറേഷൻ ചെയ്തതിന്റെ ഡ്രെസ്സിങും ഉണ്ട് . അവളുടെ തൊട്ടടുത്തായി മഹേന്ദ്രനാഥ് അവളെ തന്നെ നോക്കി ഇരിക്കുകയാണ് .

” സർ ഉണർന്ന് കഴിഞ്ഞാൽ പേഷ്യന്റിനെ അധികം സംസാരിപ്പിക്കരുത് , സ്ട്രെയിൻ പാടില്ല എന്നാ ഡോക്ടർ പറഞ്ഞത് …. ”

നഴ്സ് മഹേന്ദ്രനാഥിനോട് പറഞ്ഞ ശേഷം റൂമിന് പുറത്തേയ്ക്ക് പോയി ….. അപ്പോഴേയ്ക്കും അജു ഡോറ് തുറന്ന് അകത്തേയ്ക്ക് കയറി വന്നു ….

” ആ അജു വാ ഇരിക്ക് ….. മോളെ ഇപ്പൊ ഇങ്ങോട്ട് മാറ്റിയതേ ഉള്ളൂ …. മയക്കത്തിലാ …. മോൻ വന്നത് നന്നായി , എനിക്കൊന്ന് പുറത്ത് പോവേണ്ട ആവശ്യമുണ്ട് ….. പെട്ടെന്ന് വരാം …. ഉണർന്ന് കഴിഞ്ഞാൽ അധികം സംസാരിപ്പിക്കണ്ട , സ്ട്രെയിൻ ചെയ്യാൻ പാടില്ല , അതാ …. ”

മഹേന്ദ്രനാഥ് അവനോട് പറഞ്ഞു

” ശരി അങ്കിളേ …. അങ്കിൾ പോയിട്ട് വാ , ഞാനിവിടെ ഉണ്ടാകും ”

അജുവിന്റെ മറുപടി കേട്ടതും ഒരു പുഞ്ചിരിയോടെ അവനെ നോക്കിയ ശേഷം അയാൾ റൂം വിട്ട് പുറത്തേയ്ക്ക് പോയി …. ചെയറ് അവൾ കിടക്കുന്ന ബെഡ്ഡിനടുത്തേയ്ക്കിട്ട ശേഷം അവനതിൽ ഇരുന്നു .

മയങ്ങി കിടക്കുന്ന അവളുടെ മുഖത്തേയ്ക്ക് തന്നെ അവൻ ഇമ ചിമ്മാതെ നോക്കി ഇരുന്നു . ആശുപത്രി വാസവും അസുഖവും അവളെ നന്നേ ക്ഷീണിപ്പിച്ചത് പോലെ അവന് തോന്നി ….