✮കൽക്കി࿐ (ഭാഗം – 23) വിച്ചു [ചെകുത്താനെ സ്നേഹിച്ച മാലാഖ ] 1065

അതുകൊണ്ടാ ഞാനിങ്ങനെ കാണിച്ചേ , എനിക്ക് അപകടം പറ്റിയെന്ന് സന്ദേശം അയച്ചത് . ഓടി വരുമോ എന്നറിയാൻ എന്നോടുള്ള സ്നേഹത്തിന് മാറ്റമുണ്ടോ എന്നറിയാൻ …. ”

ഏങ്ങലോടെ പറഞ്ഞു കൊണ്ട് അവൾ പൊട്ടിക്കരഞ്ഞു , അവളുടെ വാക്കുകൾ കേട്ട അവന് പറയാൻ മറുപടിയൊന്നും ഉണ്ടായിരുന്നില്ല . എടുത്ത് ചാടി അവളെ തല്ലിയ സമയത്തെയും തന്നെയും അവൻ സ്വയം ശപിച്ചു , തെറ്റ് പറ്റിയെന്ന മാനസികാവസ്ഥയോടെ ….

” എന്നോട് ക്ഷമിക്കടോ അപ്പോഴത്തെ സങ്കടത്തിൽ തല്ലിപ്പോയതാ …. മാപ്പ് . ”

അവനതും പറഞ്ഞ് അവളെ തന്റെ നെഞ്ചിൽ നിന്ന് പിടിച്ചുയർത്തിയ ശേഷം മെല്ലെ അടി കൊണ്ട് ചുവന്ന അവളുടെ കവിൾത്തടം തലോടാൻ തുടങ്ങി ….

” ഞാൻ തന്നെ എന്റെ ജീവിതത്തിലേക്ക് ക്ഷണിച്ചാൽ എന്റെ കൂടെ കൂട്ടിയാൽ , ഒരു രാജകുമാരിയായ തന്റെയും ഈ രാജ്യത്തിന്റെയും ഭാവിയെ കുറിച്ച് ചിന്തിച്ചിട്ടാ എന്താകുമെന്ന് ഭയന്നിട്ടാ തന്നെ ഞാൻ അകറ്റാൻ ശ്രമിച്ചത് . വേണമെന്ന് വച്ചിട്ടല്ല ചങ്ക് പൊട്ടുന്ന വേദനയോടെയാ ഞാനപ്പൊ അങ്ങനെ പറഞ്ഞത് . പക്ഷെ ഇനി തന്നെ ഞാൻ ….. ഞാൻ ആർക്കും വിട്ടു കൊടുക്കില്ല . എന്ത് സംഭവിച്ചാലും ആരൊക്കെ എതിർത്താലും തന്നെ ഞാൻ വിട്ടു കൊടുക്കില്ല …. ”

നിറഞ്ഞ കണ്ണുകളോടെ അവൻ പറഞ്ഞു ….
പക്ഷെ അവൾ മറുപടിയൊന്നും പറയാതെ മൗനമായിത്തന്നെ നിന്നു ….

” എന്താടോ നന്നേ വേദനിച്ചോ ? പിണക്കമാണോ …. ? ”