✮കൽക്കി࿐ (ഭാഗം – 23) വിച്ചു [ചെകുത്താനെ സ്നേഹിച്ച മാലാഖ ] 1065

” അതൊക്കെ ഉണ്ട് , ആദ്യം അങ്ങ് അരുടെയും കണ്ണിൽ പെടാതെ പുറത്ത് കടക്ക് , ഞാൻ പുറക് വശത്ത് എത്തിക്കോളാം …. പൊയ്ക്കോ …. ”

അവളത് പറഞ്ഞതും ഒരം ചെറു ചിരിയോടെ നോക്കി നിന്ന ശേഷം അവൻ ബാൽക്കണിയിലൂടെ വന്ന വഴി പുറത്ത് കടന്ന് കർണന്റെ അടുത്തെത്തി .

” ടാ …. അവൾക്കൊന്നൂല്ല , വെറുതെ എന്നെ പേടിപ്പിക്കാനായിട്ട് . നീ വെറുതെ തിരക്കിട്ട് ഓടി എന്നിട്ടും ഞാൻ കടിഞ്ഞാണിൽ പിടിച്ച് നിന്നെ വേദനിപ്പിച്ചു , ക്ഷമിക്കെടാ …. ”

കർണന്റെ മുഖത്ത് കൂടി തലോടിക്കൊണ്ട് പറഞ്ഞതും അവൻ തന്റെ കണ്ണുകൾ ഒന്ന് ചിമ്മിയ ശേഷം തല കുലുക്കി , അപ്പോഴേയ്ക്കും അവന്റെ തോളിൽ ഒരു കൈ വന്ന് പതിച്ചു ….

” ദുർഗ്ഗേ താനേത് വഴിയാ പുറത്തെത്തിയേ …. ? ”

പുറകിലായി തന്നെ നോക്കി ഒരു പുഞ്ചിരിയോടെ നിൽക്കുന്ന അവളെ നോക്കി അവൻ ചോദിച്ചു …

” മ് ….. അത് . ഒരു രഹസ്യ വഴിയുണ്ട് പുറത്തേയ്ക്ക് ഇറങ്ങാൻ . ഞാനത് വഴിയാ പുറത്തേയ്ക്ക് ചാടുന്നേ .. ന്നാ പോയാലോ ….. ? ”

ഒരു കുസൃതി നിറഞ്ഞ ചിരിയോടെ അവൾ പറഞ്ഞതും അവൻ കർണന്റെ പുറത്തേക്ക് ചാടിക്കയറി … അവൻ തന്റെ കൈ നീട്ടിയതും അവൾ അവന്റെ കയ്യിൽ പിടിച്ച് മുന്നിലായി കയറി ശേഷം പതിയെ അവർ മുന്നോട്ട് നീങ്ങി …..

നിലാവിന്റെ വെളിച്ചത്തിൽ തെരുവ് വീഥിയും കടന്ന് അവർ ഗ്രാമത്തിന്റെ പുറത്തേയ്ക്ക് കടന്നു …

വേഗത്തിൽ കുതിക്കുന്ന കർണന്റെ പുറത്തായി നരസിംഹനും അവന്റെ നെഞ്ചിൽ ചാഞ്ഞ് അവളുമിരുന്നു ,