✮കൽക്കി࿐ (ഭാഗം – 23) വിച്ചു [ചെകുത്താനെ സ്നേഹിച്ച മാലാഖ ] 1065

ഒരു തരം ഭ്രാന്ത് പിടിച്ചതു പോലെയായിരുന്നു അവനപ്പോൾ …. വേഗത്തിൽ മുന്നോട്ട് പായുന്ന കർണന്റെ കടിഞ്ഞാൺ അവൻ ഇടയ്ക്കിടെ പുറം കോട്ട് വലിച്ചു കൊണ്ടേയിരുന്നു ഇനിയും കൂടുതൽ വേഗത്തിൽ പോകാനായി ….

അവൾക്ക് എന്ത് പറ്റിയെന്നോ എന്ത് ചെയ്യണമെന്നോ അറിയാത്ത അവസ്ഥ … ശരീരമാസകലം തളരുന്നത് പോലെ തോന്നിയെങ്കിലും അവൻ പതറാതെ മുന്നോട്ട് നീങ്ങി ….

കൊട്ടാരത്തിന് പുറത്ത് മതിൽക്കെട്ടിന് താഴെയായി എത്തിയതും കർണൻ തന്റെ വേഗത കുറച്ചു , ശേഷം മതിലിനോട് ചേർന്ന് നിന്നു . നരസിംഹൻ ഉടനെ തന്നെ വേഗത്തിൽ അവന്റെ പുറത്തായി കയറി നിന്ന് , ഉയർന്ന് പൊങ്ങിച്ചാടി മതിൽക്കെട്ടിന് മുകളിൽ പിടിച്ച് തൂങ്ങി നിന്ന ശേഷം അവൻ പതിയെ അതിന് മുകളിലേയ്ക്ക് വലിഞ്ഞ് കയറി …. കോട്ടമതിലിന് പുറത്തായി അൽപ്പം അകലെ കാവൽ നിൽക്കുന്ന കാവൽക്കാരനെ കണ്ടതും ശബ്ദം ഉണ്ടാക്കാതെ പതിയെ ഇരുട്ടിലൂടെ മുന്നോട്ട് നീങ്ങി തൊട്ടടുത്തായിട്ടുള്ള ഒരു ഗോപുരത്തിന്റെ പടവിലേയ്ക്ക് ചാടിക്കയറി , അവിടെ നിന്ന് കൊട്ടാരത്തിന്റെ ഒരു വശത്തെ ബാൽക്കണി വഴി കൊട്ടാരത്തിനകത്തേയ്ക്കും .

മുൻപ് വന്നതു പോലെ പടയാളിയുടെ വേഷം ധരിക്കാനോ ആൾമാറാട്ടം നടത്താനോ അവന് തോന്നിയില്ല …. ഇരുട്ടിന്റെ മറവ് പറ്റി മുന്നോട്ട് നീങ്ങിയ അവൻ വേഗത്തിൽ ഒരു വശത്ത് കൂടി മുകളിലേയ്ക്ക് വലിഞ്ഞ് കയറി ആരും കാണാതെ , അതു വഴി കുമാരിയുടെ അറയിലെ ബാൽക്കണിയിലേക്കും ….