✮കൽക്കി࿐ (ഭാഗം – 23) വിച്ചു [ചെകുത്താനെ സ്നേഹിച്ച മാലാഖ ] 1066

നടക്കുന്നതൊക്കെ സ്വപ്നമോ യഥാർത്ഥ്യമോ എന്നായിരുന്നു അവന്റെ മനസ്സ് മുഴുവൻ , ഒരു വട്ടം പോലും സ്വപ്നത്തിലെങ്കിലും ചിന്തിക്കാത്ത കാര്യമാണ് തനിക്ക് ചുറ്റും ഇപ്പൊ നടക്കുന്നത് ഒരു അതിശയം പോലെ ..

ഗ്രാമത്തിന് പുറത്ത് കടന്ന അവർ നേരെ പോയത് ഒരു മലമുകളിലേക്കായിരുന്നു … കൊട്ടാരത്തിന് കിഴക്ക് വശത്തുള്ള ആ മലയുടെ മുകളിൽ എത്തിയതും നരസിംഹൻ ചാടിയിറങ്ങി ശേഷം ദുർഗയും …..

ആ സ്ഥലം കണ്ട അവളുടെ കണ്ണുകളിൽ അൽഭുതവും കൗതുകവും ഒരേ സമയം വന്ന് നിറഞ്ഞു ,

” താൻ വാ ….. ”

അവനതും പറഞ്ഞ് അവളുടെ കയ്യിൽ പിടിച്ച് തൊട്ടടുത്തുള്ള ഒരു പാറപ്പുറത്തേയ്ക്ക് കയറി … അവിടെ നിന്നാൽ ആ നിലാ വെളിച്ചത്തിൽ വൈകുണ്ഡ പുരി മുഴുവൻ കാണാം , തന്റെ കൊട്ടാരവും ഗ്രാമങ്ങളും നദികളും വയലുകളും അങ്ങനെ എല്ലാം …. ഒരു തരം കൗതുകത്തോടെ അവൾ മിഴി ചിമ്മാതെ ആ ദൃശ്യ ഭംഗി ആസ്വദിച്ച് നിന്നു , എവിടെ നിന്നോ ഒരു നേർത്ത കാറ്റ് വീശിയതും കോടമഞ്ഞിന്റെ തണുപ്പേറ്റ് അവളെന്ന് വിറച്ചു അത് കണ്ടതും ഒരു പുഞ്ചിരിയോടെ അവൻ അവളെ തന്റെ കൈ കൊണ്ട് ചേർത്ത് പിടിച്ചു ….

” ഈ രാത്രി കാണാൻ ഇതിനേക്കാൾ ഭംഗി തരുന്ന മറ്റൊരു സ്ഥലം ഈ രാജ്യത്തിലില്ല അതാ തന്നെ ഇങ്ങോട്ട് കൂട്ടിക്കൊണ്ട് വന്നേ …. ”

അവനതും പറഞ്ഞ് മെല്ലെ ആ പാറപ്പുറത്തായി ഇരുന്നു ഒപ്പം അവളും …. ദൂരെയുള്ള കാഴ്ചകളിലേക്കും ആകാശത്തിലെ നക്ഷത്രങ്ങളെയും നോക്കി അവർ കുറച്ച് നേരം മൗനമായി ഇരുന്നു .