✮കൽക്കി࿐ (ഭാഗം – 23) വിച്ചു [ചെകുത്താനെ സ്നേഹിച്ച മാലാഖ ] 1066

അവളാകട്ടെ ഒന്നും ചെയ്യാനാകാതെ ഭയത്തോടെ വിറയാർന്ന ശരീരത്തോടെ അയാളെ ഒന്ന് നോക്കി , അയാളുടെ മുഖത്തെ ആ ക്രൂരഭാവം കണ്ടതും അവൾ തന്റെ കണ്ണുകൾ മുറുക്കെയടച്ചു …..

അപ്പോഴാണ് അവളുടെ കഴുത്തിൽ കിടക്കുന്ന ആ രുദ്രാക്ഷ മാലയും അതിലെ പതക്കവും അയാൾ കണ്ടത് ….

” ചേകവരുടെ മുദ്രപ്പതക്കം കുമാരിക്ക് എന്തിനാ …. ? ”

അയാളതും പറഞ്ഞ് തന്റെ കയ്യിലിരുന്ന കത്തി അവളുടെ കഴുത്തിനടുത്തേയ്ക്ക് നീട്ടി , ആ കത്തി ഉപയോഗിച്ച് ആ മാല പൊട്ടിച്ചു …. രണ്ടായി പൊട്ടിയ ആ മാല നിലത്തേയ്ക്ക് വീഴാൻ പോയതും അവൾ വേഗമത് തന്റെ വലത് കൈയ്യിൽ പിടിച്ചെടുത്ത ശേഷം ഉള്ളം കയ്യിൽ മുറുക്കെ പിടിച്ചു …

” ഹ ….. ഹ ……. കുമാരി ക്ഷമിക്ക് …. അങ്ങയുടെ ജീവനും ഇന്ദ്രജാലക്കല്ലും ഒന്നായത് കൊണ്ട് എനിക്കിപ്പൊ ആ ജീവനാ ആവശ്യം …. ”

അയാൾ ഒരു ചിരിയോടെ പറഞ്ഞു കൊണ്ട് തന്റെ വലത് കൈയ്യിലിരുന്ന കത്തി ഒന്ന് പുറകോട്ട് നീക്കിയ ശേഷം മുന്നാട്ട് പായിച്ചു അവളുടെ വയറിൽ കുത്തിയിറക്കാനായി …

പെട്ടെന്ന് …..

” ……. ടാ ……….. ”

ഒരലറി വിളിയോടെ നിലത്തിരുന്ന നരസിംഹൻ ചാടിയെണീറ്റു … അയാളുടെ കയ്യിലെ ആ കത്തി അവളുടെ ശരീരത്തിനടുത്ത് എത്തുന്നതിനു തൊട്ട് മുമ്പ് നരസിംഹൻ തന്റെ കയ്യിലിരുന്ന കത്തി ആത്രേയന്റെ വലത് നെഞ്ചിൽ കുത്തിയിറക്കി ….