✮കൽക്കി࿐ (ഭാഗം – 23) വിച്ചു [ചെകുത്താനെ സ്നേഹിച്ച മാലാഖ ] 1065

ബാൽക്കണിയിൽ കയറിയ ഉടനെ അവൻ പതിയെ കതക് തുറന്ന് അറയുടെ ഉള്ളിലേയ്ക്ക് കയറി . അറയുടെ പ്രധാന വാതിൽ ഉള്ളിൽ നിന്ന് പൂട്ടിയിരിക്കുകയാണ് , അവൻ ചുറ്റിലും നോക്കി പക്ഷെ അവളെ അവിടെയെങ്ങും കണ്ടില്ല …

തന്റെ ഹൃദയം പെരുമ്പറ പോലെ കൊട്ടിമുഴങ്ങുന്നതായി അവന് തോന്നി , കാലുകൾ തളരുന്നത് പോലെ , കണ്ണിൽ നിന്ന് കണ്ണുനീർ പോലും വരാത്ത അവസ്ഥ …

അവൾക്ക് എന്ത് സംഭവിച്ചന്നോ എന്ത് ചെയ്യണമെന്നോ എങ്ങോട്ട് പോകണമെന്നോ അറിയാതെ അവൻ അവിടെ ഒരിടത്തായി തളർന്നിരുന്ന സമയം .

പെട്ടെന്നാണ് ആരോ പുറകിൽ നിന്ന് അവന്റെ കണ്ണുകൾ കൈ കൊണ്ട് മൂടി പിടിച്ചത് … ഒരു ഞെട്ടലോടെ തന്റെ കണ്ണുകളെ മറച്ച ആ കൈകകൾ പിടിച്ച് മാറ്റിയ ശേഷം അവൻ തിരിഞ്ഞ് നോക്കിയതും ….

” ദുർഗ്ഗേ …. താൻ …. താൻ എവിടെയായിരുന്നു …. ഞാ …. ഞാൻ ….. ? ”

അവളെ കണ്ടതും അവൻ ചാടിയെണീറ്റു . പരവേശം കൊണ്ട് അവന് വാക്കുകൾ കിട്ടാതായി …

” എല്ലാം മറക്കണം , നമുക്ക് ഒരിക്കലും ഒരുമിക്കാൻ കഴിയില്ല എന്നൊക്കെയല്ലേ പറഞ്ഞത് എന്നിട്ടിപ്പോ ? ഒരു എഴുത്തോല കിട്ടിയ ഉടനെ ഓടി വരാനും മാത്രം എന്താ …. ? ”

കുസൃതി നിറഞ്ഞ ചിരിയോടെ അവൾ ചോദിച്ചതും

” ….. ഠോ …… ”

അവന്റെ കൈ അവളുടെ കരണത്ത് പതിഞ്ഞതും ഒരുമിച്ചായിരുന്നു ….