✮കൽക്കി࿐ (ഭാഗം – 23) വിച്ചു [ചെകുത്താനെ സ്നേഹിച്ച മാലാഖ ] 1070

അടുത്തെത്തിയ അവൾ അവന്റെ മുന്നിൽ മുട്ടുകൾ മടക്കിയിരുന്ന ശേഷം അവന്റെ തലയിൽ പിടിച്ച് ഉയർത്തി തന്റെ മടിയിലേക്ക് കിടത്താൻ നോക്കി പക്ഷെ കഴിഞ്ഞില്ല . അവന്റെ തലയിൽ പിടിച്ച അവൾ തന്റെ കയ്യിലേയ്ക്ക് നോക്കി അതിൽ മുഴുവൻ ചുടുരക്തം പറ്റിയിരിക്കുകയാണ് , ഒപ്പം അവന്റെ നെഞ്ചിൽ നിന്നും രക്തം വാർന്നൊഴുകുന്നുമുണ്ട് . അതൊക്കെ കണ്ട് അവൾ അലറിക്കരയാൻ തുടങ്ങി , പക്ഷെ നരസിംഹനാകട്ടെ വേദനയിലും ഒരു ചെറു പുഞ്ചിരിയോടെ അവളുടെ കണ്ണുകളിൽ നോക്കിക്കൊണ്ട് അവളുടെ നെറ്റിയിൽ പറ്റിയ ചെറിയ മുറിവിൽ നിന്ന് പൊടിഞ്ഞ രക്തം കൈ ഉയർത്തി വിരലുകൾ കൊണ്ട് തുടയ്ച്ച് മാറ്റി …

” വേ ….. വേ ദനയുണ്ടോ ടോ …. ”

പതറുന്ന ശബ്ദത്തോടെ ഒരു പുഞ്ചിരിയോടെ അവൻ ചോദിച്ചു …

പക്ഷെ അപ്പോഴേയ്ക്കും അവളുടെ പുറകിൽ എത്തിയ രണദേവ് അവളുടെ മുടിയിൽ പിടിച്ച് അവളെ ശക്തിയായി വലിച്ചുയർത്തി … വേദനയോടെ അവൾ നിലത്ത് നിന്നെണീറ്റു , പക്ഷെ അപ്പോഴും നരസിംഹൻ തന്റെ കൈ വായുവിൽ അവൾക്ക് നേരെ ഉയർത്തിപ്പിടിച്ചിരിക്കുകയായിരുന്നു ….

അത് കണ്ട രണദേവ് അവന്റെ ആ കയ്യിലേക്ക് ആഞ്ഞ് ചവിട്ടിയ ശേഷം നിലത്തിട്ട് ചവിട്ടിയരയ്ക്കാൻ തുടങ്ങി …

” അയ്യോ … ഒന്നും ചെയ്യല്ലേ …. നിങ്ങൾക്ക് വേണ്ടത് എന്നെയല്ലേ … ? അതിനെന്തിനാ ഈ പാവത്തിനെ …. ”

അവളതും പറഞ്ഞ് രണദേവിന്റെ കാലിൽ വീണു …