ഡെറിക് എബ്രഹാം 16 [അഹമ്മദ് ശഫീഖ് ചെറുകുന്ന്] 279

“താങ്ക്സ് ഡെറിക്…”

“എന്നിട്ട് ആ ബസ് പുറപ്പെട്ടോ….? ”

“ഇപ്പോൾ ഇവിടുന്ന് നീങ്ങിത്തുടങ്ങി ”

“പോലീസുകാർ സംശയമുള്ളത് പോലെയൊന്നും തോന്നിച്ചില്ലല്ലോ…? ”

“ഇല്ല ഡെറിക്..അതിന് പ്രത്യേകം നിർദേശം കൊടുത്തിട്ടുണ്ടായിരുന്നു…”

“ഓക്കേ… അത് മതി…

തമിഴ്നാട് അതിർത്തിയിലും നമ്മുടെ ആൾക്കാരുണ്ടല്ലോ….അവരോടും സാധാരണ പരിശോധന പോലെ തന്നെ , ബസിൽ കയറി നമ്മുടെ സംശയങ്ങളിൽ എന്തെങ്കിലും കഴമ്പുണ്ടോ എന്ന് ഒരിക്കൽ കൂടി ഉറപ്പിക്കാൻ പറയണം… അതിന് ശേഷം ആ ബസ് പോകുന്ന റൂട്ടിൽ അകലം പാലിച്ചു കൊണ്ട് പിന്തുടരാൻ പറയണം….വണ്ടി കണ്മുന്നിൽ നിന്നൊരിക്കലും മറയരുത്… കാരണം അവർ തമിഴ്നാട് അതിർത്തി കടന്നാൽ വണ്ടി മാറാനും സാധ്യതയുണ്ട് ”

“ഓക്കേ ഡെറിക്….”

“അപ്പോഴേക്കും നമുക്ക് അവരിലേക്ക് എത്തിച്ചേരണം… നിങ്ങൾ അവിടുന്ന് ഇറങ്ങുമ്പോൾ നിങ്ങളുടെ ജോലി വേറെയാരെയെങ്കിലും ഏൽപ്പിക്കണം….കാരണം , ഇപ്പോൾ കണ്ടു പിടിച്ചവർ നമ്മളന്വേഷിക്കുന്നവരാണെന്ന് ഉറപ്പിക്കാനായിട്ടില്ല…വഴിയേ അതിന് സാധിക്കുമെന്ന് പ്രതീക്ഷിക്കാം…”

“ഓക്കേ…”