ഡെറിക് എബ്രഹാം 16 [അഹമ്മദ് ശഫീഖ് ചെറുകുന്ന്] 279

അജിത്തും അതേ ഞെട്ടലിൽ തന്നെ അവളെ നോക്കുന്നുണ്ടായിരുന്നു…

ആർക്കാണ് വെടി കൊണ്ടതെന്ന് മനസ്സിലാകാതെ തെല്ലൊരു നിമിഷം അവർ പകച്ചു നിന്നു… ചുറ്റും നോക്കുവാൻ ശ്രമിച്ചെങ്കിലും , തലയിലേറ്റ പ്രഹരത്തിന്റെ ശക്തിയിൽ അവർക്ക് അനങ്ങാൻ പറ്റുന്നുണ്ടായിരുന്നില്ല….

പെട്ടെന്ന് അവരെയൊക്കെ നടുക്കിക്കൊണ്ട് , തോക്കും ചൂണ്ടി നിന്നിരുന്ന ഗുണ്ട ഇടി വെട്ടിയത് പോലെ അവരുടെ മുന്നിലേക്ക് വീണു…

എന്താണവിടെ സംഭവിക്കുന്നതെന്നറിയാതെ അവർ വീണയാളെ നോക്കി നിന്നു…

അപ്പോഴാണ് പുകപടലങ്ങൾക്കിടയിൽ നിന്നും , അവരുടെ മുന്നിലുണ്ടായിരുന്ന ആ ഗുണ്ടകളുടെ പിന്നിൽ ഒരാൾ തോക്ക് ചൂണ്ടി നിൽക്കുന്നത് കണ്ടത്….

ഡെറിക്…

അവനായിരുന്നു ആ ഗുണ്ടയുടെ നെറ്റിത്തടത്തിലേക്ക് നിറയൊഴിച്ചത്…. അവന്റെ പിന്നിൽ , ഓടിപ്പോയ ഗുണ്ടകളെയും പിടിച്ചു കൊണ്ട് സേവിയറും ഉണ്ടായിരുന്നു….

ഡെറിക് , ഗീതയെയും അജിത്തിനെയും തന്റെ കൈ കൊടുത്തു എഴുന്നേൽപ്പിച്ചു…

ബാക്കിയുള്ളവരെ കീഴ്പ്പെടുത്താൻ അവർക്ക് അധികം സമയം വേണ്ടി വന്നില്ല….

വേഗത്തിൽ തന്നെ ഡെറിക്കും സേവിയറും കൂടി എല്ലാവരെയും നിലം പരിശാക്കി….

“ഗീതാ… കുട്ടികളെ പുറത്തിറക്ക്….”