കൃഷ്ണവേണി – അവസാന ഭാഗം [രാഗേന്ദു] 2309

“ഹെലോ..”

അവൻ വിരൽ ഞൊടിച്ചപ്പോൾ ആണ് അവൾ ചിന്തയിൽ നിന്ന് ഉണർന്നത്

“എഹ്.ഇത് പോയില്ലേ..”

അവൾ ചോദിച്ചപ്പോൾ അവൻ അവളുടെ അടുത്തേക്ക് മുഖം ചേർത്തു.. അവളുടെ നെഞ്ചിടിപ്പ് കൂടിയത് പോലെ അവൻ അടുത്തേക്ക് വന്നപ്പോൾ..

“എന്താ പോണോ..”

അവൻ പതിഞ്ഞ സ്വരത്തിൽ അവളോട് ചോദിച്ചപ്പോൾ.. അവൾ വേണ്ട എന്ന് നാണത്തോടെ തലയാട്ടി..

ഡോർ തുറന്ന് അവൻ അവളെ കൈ പിടിച്ചു പുറത്തേക്ക് ഇറക്കി.. അവൾ ചുറ്റും നോക്കി.. തറവാട്ടിലെ കുളകടവ് ആണല്ലോ എന്നവൾ ഓർത്തു.. അവൻ അവളെ കോരി എടുത്തപ്പോൾ അവൾ ഒന്ന് വിറച്ചു.. അവൾ അത് ഒട്ടും പ്രതീക്ഷിച്ചില്ല..അവൾ അവന്റെ മുഖത്തേക്ക് നോക്കി. അവൻ അവളെയും കൊണ്ട് കുള കടവിലെക്ക് ചെന്നു..

അവളുടെ ശ്വാസത്തിന്റെ വേഗത കൂടി വന്നു.. നെഞ്ചിടിപ്പ് കൂടി അവൻ എന്താ ചെയ്യാൻ പോകുന്നത് എന്ന് അവൾ ആലോചിച്ചു..

അവൻ അവിടെ ചെന്ന് അവളെ പടവുകളിൽ ഇരുത്തി.. അവൻ അവളുടെ അടുത്തു ഇരുന്നു..

അവളെ നോക്കി ഒരു പ്രിത്യേക ഭാവത്തിൽ.. അവൻ അവളുടെ കണ്ണുകളിൽ നോക്കിയപ്പോൾ അവളുടെ കവിൾ നാണം കൊണ്ട് ചുവന്നു.. അവൾ നോട്ടം മാറ്റി.. അവളുടെ തല നാണത്താൽ കുമ്പിട്ടു..

അവൻ അവളുടെ താടി പിടിച്ചു പൊക്കി മുഖം അവന്റെ നേരെ പിടിച്ചു….

“ഒറ്റ പെണ്ണിനോട് മാത്രമേ പ്രണയം തോന്നിയിട്ടുള്ളൂ..ആദ്യമായ് ഈ കുള കടവിൽ വച്ച് കണ്ടപോൽ തന്നെ അവളോട് എനിക്ക് അടങ്ങാത്ത പ്രണയം തോന്നിയിരുന്നു.. അവളുടെ കണ്ണുകളോട്.. അവളുടെ കാലിലെ കോലിസിനോട്..

അവൾ അത്ഭുദം ആയിരുന്നു.. അവളെ മനഃപൂർവം അകറ്റി നിർത്തിയപ്പോൾ ഒത്തിരി വേദിനിച്ചിട്ടുണ്ട്.. സ്വയം ദേഷ്യം തോന്നിയെട്ടുണ്ട് എന്നാലും അവൾ ഇപ്പൊ അവളുടെ ആഗ്രഹിച്ച ജോലിയിലും നിലയിലും ആണ്..”

അവൻ അതുപറഞ്ഞപ്പോൾ അവളുടെ കണ്ണുകൾ നനഞ്ഞു..അവൻ മുഖം കോരി എടുത്തു