അപരാജിതൻ 25[Harshan] 10182

സമയ൦ ആറു  മണി

അന്നേരം പ്രഭാതത്തിലുള്ള മംഗൾ ആരതിയുടെ നേരമായിരുന്നു.

തണുപ്പ് കാലത്തിൽ കാലത്തു ആറു മുതൽ ഏഴുമണി വരെയാണ് മംഗൾ ആരതി പൂജകൾ നടക്കുക.

എങ്ങും പൂജ മന്ത്രങ്ങളും ആരതിയും മണിനാദവും ശ൦ഖനാദവും മുഴങ്ങി

അദ്ദേഹം ഉടനേ അകത്തു പ്രവേശിച്ചു മംഗൾ ആരതി ദര്‍ശനം നടത്തി.

പരാശക്തിയുടെ ജ്വാലാ സ്വരൂപത്തെ വണങ്ങി.

“എല്ലാം ‘അമ്മ തീരുമാനിക്കുന്നത് പോലെ ,,അമ്മെ മഹാമായേ ,,ആദി പരാശക്തി എന്നദ്ദേഹം മനസിലുരുവിട്ടു.

അന്ന്  ആ പുണ്യദേശത്തു നിന്നുകൊണ്ട് ഉച്ചക്കുള്ള ഭോഗ് ആരതിയും കണ്ടു തൊഴുത് സത്യാനന്ദസ്വാമികൾ പരാശക്തിയുടെ നാവ് വീണ  ജ്വാലാമുഖി ക്ഷേത്രത്തിൽ നിന്നും  പാര്‍വ്വതിയെ കുറിച്ചുള്ള തന്‍റെ     അന്വേഷണങ്ങള്‍ക്കു ഒരു അര്‍ദ്ധവിരാമമിട്ടുകൊണ്ട് നടകള്‍ ഇറങ്ങി മുന്നോട്ട് പോകുമ്പോള്‍

അത്ഭുതമെന്ന പോലെ ഒരു കാഴ്ച്ച അദ്ദേഹം കണ്ടു.

താഴെ നിന്നും നടകള്‍ കയറി ചുവരില്‍ ഒരു മാറാപ്പു൦ തൂക്കി ചുവന്ന ചേലയും കഴുത്തില്‍ രുദാക്ഷങ്ങളും അണിഞ്ഞ് താന്‍ ദിവ്യദര്‍ശനത്തില്‍ കണ്ടേ അതേ സാധ്വി പ്രസന്നവദനയായി നടന്നു വരുന്നു.

അത്ഭുതപരതന്ത്രനായിരുന്ന സ്വാമികള്‍ കൈകള്‍ കൂപ്പി അവിടെ തന്നെ നിന്നു.

ആ സാധ്വി നടന്നു നടന്നു അദ്ദേഹത്തിന് സമീപമെത്തിയപ്പോള്‍ മുഖത്തൊന്ന് നോക്കി മന്ദഹസിച്ചു.

ആ മന്ദഹാസത്തില്‍ അനവധി അര്‍ത്ഥങ്ങള്‍ ഉള്ളതായി അദ്ദേഹത്തിനനുഭവപ്പെട്ടു.

ആ സാധ്വി കൈകള്‍ കൂപ്പി അദ്ദേഹത്തെ വണങ്ങി

“സര്‍വ്വകര്‍മാണ്യപി സദാ കുര്‍വ്വാണോ മദ്വ്യപാശ്രയഃ

മത്പ്രസാദാദവാപ്നോതി ശാശ്വതം പദമവ്യയം

എന്ന ഭഗവദ്ഗീതാ മോക്ഷസന്യാസയോഗ ശ്ലോകം ജപിച്ച് കൊണ്ട് അദ്ദേഹത്തെ നോക്കി പുഞ്ചിരിയോടെ മുകളിലേക്ക്  നടന്നു നീങ്ങി.

സത്യാനന്ദസ്വാമികള്‍ ശക്തിസ്തുതികളോടെ അവിടെ നിന്നും നടകള്‍ ഇറങ്ങിത്തുടങ്ങി.

പാര്‍വ്വതിയുടെ സമീപത്തേക്ക് യാത്ര തിരിക്കുന്നതിനായി.

<<<<<O>>>>>