അപരാജിതൻ 25[Harshan] 10176

########

#########

അര്‍ദ്ധരാത്രി

പുനാഖാ സോങ്, ഭൂട്ടാൻ (Punakha Dzong )

ഭൂട്ടാനിലെ വടക്കു പ്രവിശ്യയിലെ ലിഗ്‌സി , ലയ പർവ്വത നിരകളിൽ നിന്നും ഉത്ഭവിക്കുന്ന മോ-ച്ചു നദിയുടേയു൦  പുനാഖാ താഴ്വരയിലെ ലുനാന പ്രവിശ്യയിൽ നിന്നുമുത്ഭവിക്കുന്ന പോ -ച്ചു നദിയുടെയും സംഗമ സ്ഥാനത്തിന്  ഇടയിലായി സ്ഥിതി ചെയ്യുന്ന ബുദ്ധവിഹാരമാണ് പുനാഖാ സോങ്.

സ്ത്രീയായ മോ-ച്ചു നദിയും പുരുഷനായ  പോ -ച്ചു നദികൾ തമ്മിൽ സംഗമിച്ച് പു നാ സാങ്ച്ചു അഥവാ സംകോശ് നദി എന്ന പേരിൽ ഭൂട്ടാനിലെ വാങ് ഡ്യു ഫോഡ്രാങ് നഗരത്തിലൂടെ ഒഴുകി ഇന്ത്യ ഭൂട്ടാൻ അതിർത്തിയെ കലിഖോല എന്നയിടത്തു വച്ച് മുറിച്ചു കടന്നു ഒടുവിൽ ബ്രഹ്മപുത്ര നദിയിൽ പ്രവേശിക്കുന്നു.

പുനാഖാ സോങ് ബുദ്ധവിഹാരം പതിനേഴാം നൂറ്റാണ്ടിൽ അക്കാലത്തെ തിബത്തൻ ലാമയും ഭൂട്ടാന്‍റെ  ഏകീകരണത്തിനും നേതൃത്വവും വഹിച്ച ഗവാങ് നാംഗിയാൽ ന്‍റെ  നിർദേശപ്രകാരം  നിർമ്മിക്കപ്പെട്ടിട്ടുള്ളതാണ്.ഭൂട്ടാനിലെ ബുദ്ധമതത്തിന്‍റെ  പരമോന്നത ആത്മീയആചാര്യൻ ( ധർമ്മരാജ ) ശൈത്യകാലത്തു വസിക്കുന്നത്  പുനാഖാ സോങ് ബുദ്ധവിഹാരത്തിലാണ്.

ഇപ്പോഴത്തെ ഉന്നത ആത്മീയ ആചാര്യൻ , സാത്വികനായ ബുദ്ധഭിക്ഷു , യേഷേ വാങ്ചുക് എന്ന വൃദ്ധന്‍ തന്‍റെ     ഉപവാസമനുഷ്ഠിച്ചു കൊണ്ട്  തന്‍റെ    കിടപ്പുമുറിയിൽ കിഴക്കു ഭാഗത്തായി സ്ഥാപിച്ച ചെറിയ ബുദ്ധവിഗ്രഹത്തിനു മുന്നിലായി ധ്യാനത്തിലായിരുന്നു. അതിനു ശേഷം എഴുന്നേറ്റ് അദ്ദേഹം കിടക്കാനായി നടന്നു.

അന്നേരം

മോ ചു നദി നീന്തി കടന്നു ദേഹവും മുഖവും മൂടുന്ന കറുത്ത വസ്ത്രം ധരിച്ച അജ്ഞാതൻ വലിയ മതിൽ ചാടി കടന്നു.മതിലിനോട് ചേർന്ന് പൂത്തു നിൽക്കുന്ന നീലവാക മരത്തിലൂടെ ശ്രദ്ധാപൂർവ്വം ഇറങ്ങി.

അവിടെ കാവൽ നിൽക്കുന്നവരുടെ കണ്ണ് വെട്ടിച്ചു അതി സമർത്ഥമായി വിഹാരത്തിന്‍റെ  വടക്കു ഭാഗത്തുള്ള മരക്കോണിയിലൂടെ വിഹാരത്തിനകത്തു പ്രവേശിച്ചു.

നൂറ്റിഎൺപതു മീറ്റർ നീളവും എഴുപത്തിരണ്ടു മീറ്റർ വീതിയുമുള്ള സോങ് വിഹാരത്തിനു മൂന്നു മുറ്റങ്ങളാണുള്ളത്.

അതീവ ജാഗ്രതയോടെ അയാൾ ഒന്നാം മുറ്റത്തേക്ക് പ്രവേശിച്ചു . അവിടെയും കാവൽക്കാരുണ്ട്