അപരാജിതൻ 25[Harshan] 10176

പാല് കൊടുത്തു വരുന്ന വഴിആദി ശ്‌മശാനത്തിൽ കയറി

അവിടെ മരച്ചുവട്ടിൽ ചുടലയും ഭ്രാന്തനും ബാവുൽ ഗായകരായ കാളിചരണും മകൾ ലോപമുദ്രയും ഇരിക്കുകയായിരുന്നു.

കാളിചരൺ ദുഗ്ഗിയിൽ താളമടിച്ചു കൊണ്ടിരിക്കുകയായിരുന്നു. അതിനനുസൃതമായി ലോപമുദ്ര തന്റെ ഏകതാരയുടെ തന്ത്രിമീട്ടി ലയം പകര്‍ന്നു കൊണ്ടിരുന്നു.

കവാടത്തിൽ തൂക്കിയ ഡമരു കൈയിലെടുത്തു താളമടിച്ചു കൊണ്ട് ആദി ഉള്ളിലേക്ക് പ്രവേശിച്ചു.

കാളിചരൺ ദുഗ്ഗിയിൽ താളമിട്ടപ്പോൾ അതിനെതിരായി ആദി ഡമരു താളമിട്ടു ഇട൦ വലം ചുഴറ്റി നടന്നടുത്തു.

ആദി നിർത്തുമ്പോൾ കാളിചരൺ അതിനു പെരുക്കി താളമിട്ടു ആദിക്ക് വെല്ലുവിളിയുയർത്തും

അപ്പോൾ ആദി തുടക്കമിട്ടു അതിനു മറുതാളം അടിക്കും.

ആ ചുടലകളം താളമുഖരിതമായി.

ലോപമുദ്ര ഏകതാരയിൽ ഇടയ്ക്ക് വിരൽ മീട്ടി അതിനു കൊഴുപ്പേകുന്ന ലയം പകരും.

ആദി താളമിട്ടു നടന്നു കൊണ്ട് അവരുടെ സമീപമെത്തി

കാളിചരൺ വേഗത കൂട്ടി കൊണ്ട് വന്നു

അതിനെതിരായി ആദിയും ഡമരുവിൽ താളവേഗം കൂട്ടി

അവർ തമ്മിലുളള മത്സരം മുറുകി

ദുഗ്ഗിയും ഡമരുവും നിർത്താതെ താളം പൊഴിച്ച് കൊണ്ടിരുന്നു.

വേഗത കൂടി വന്നു

വേഗതയും കടന്നു അതിവേഗതയിലേക്ക് പെരുക്കി കൊണ്ട് ആദി താളമിട്ടു കയറി

ഡുഡു ഡൂംഡുഡൂംഡു ഡുഡു ഡൂംഡുഡൂംഡു  ഡുഡു ഡൂംഡുഡൂംഡു  എന്നുളള ഡൂംകാര ശബ്ദം അതിഭയങ്കരമായി ഡമരുവിൽ നിന്നുമുയർന്നു.

താളവേഗം മുറുകിയപ്പോൾ അതിനനുസരിച്ചുളള മാറ്റങ്ങൾ പ്രകൃതിയിൽ കണ്ടു തുടങ്ങി.

അതുവരെ മെല്ലെ വീശിയിരുന്ന കാറ്റിന്‍റെ  ഗതിവേഗം വർധിച്ചുകൊണ്ടിരുന്നു .

തെളിഞ്ഞിരുന്ന ആകാശം മെല്ലെ കറുത്ത് തുടങ്ങികൊണ്ടിരുന്നു

ഭ്രാന്തൻ കൈ കൂപ്പി കരഞ്ഞു

ചുടല എമ്പാടും നോക്കി

ചുടലയുടെ   മുഖത്ത് ഭയം ജനിക്കുന്ന അവസ്ഥയായി

അവൻ ഇരുവരെയും നോക്കി