??ജോക്കർ 1️⃣1️⃣[??? ? ?????] 3429

”കഴിഞ്ഞു…..”

“മ്മ്…”

ജോക്കർ കട്ടർ ഉപയോഗിച്ച് വാരിയെല്ല് മുറിച്ചു മാറ്റി… ആന്തരിക അവയവങ്ങൾ ഒക്കെയും റിമോവ് ചെയ്‌ത് ബോക്സ്കളിലേക്ക് മാറ്റി…. ടേബിളിൽ പരന്ന രക്തം അപ്പോഴേക്കും ഒഴുകി അറ്റത്തുള്ള പൈപ്പിലൂടെ ഒരു സ്റ്റീൽ പാത്രത്തിൽ നിറഞ്ഞിരുന്നു….

വീഡിയോ അവസാനിക്കുമ്പോൾ ടൈം സ്റ്റാമ്പ് 6.30am എന്ന് കാണിക്കുന്നുണ്ടായിരുന്നു….

കണ്ട കാഴ്ചയുടെ ഷോക്കിൽ ആയിരുന്നു മിഥുനും മീരയും….. കുറച്ചു നേരം എടുത്തു ഒന്ന് നോർമൽ ആകാൻ…

“ഒരു പാട് ക്രൈം സീനിൽ ഞാൻ പോയിട്ടുണ്ട്… ഒരുപാടു മൃതദ്ദേഹങ്ങളും കണ്ടിട്ടുണ്ട്… അപ്പോഴൊന്നും തോന്നാത്ത ഒരു മരവിപ്പ് ഇത് കണ്ടപ്പോൾ തോന്നുന്നു….” മീര മിഥുനെ നോക്കി…

“ശരിയാണ് മാം……”

“മ്മ്….”

കൂടെ ഇരുന്ന ശൈവയും വിനുവും എപ്പോഴോ എഴുന്നേറ്റ് പോയിരുന്നു…..

“മിഥുൻ… ഇതിൽ വീഡിയോ അല്ലാതെ മറ്റു ഡീറ്റെയിൽസ് ഒന്നും ഇല്ലാലോ….”

“ഞാനും അതാ ആലോചിക്കുന്നെ… നമ്മൾ ശ്രദ്ധിക്കാതെ വിട്ടു പോയ വല്ലതും ഉണ്ടാവോ വീഡിയോയിൽ….”

“വീഡിയോ ഒന്നുകൂടി കാണുവാൻ ഉള്ള മാനസിക അവസ്ഥയിൽ അല്ല മിഥുൻ ഞാനിപ്പോൾ….”

“എനിക്കും അതേ മാഡം… നമുക്ക് ഒന്നു പുറത്തിറങ്ങാം.. ഒന്ന് റീലാക്സ്‌ ആകാം….”

മിഥുൻ വീഡിയോ ക്ലോസ് ചെയ്ത് പുറത്തേക്ക് നടന്നു… പെട്ടെന്ന് എന്തോ ഓർത്തെന്ന പോലെ തിരികെ നടന്നു….

“മാം ലൊക്കേഷൻ കിട്ടി…..”

മീര റൂമിലേക്ക് തിരികെ വന്നു നോക്കിയപ്പോൾ സ്ക്രീനിൽ ഗൂഗിൾ മാപ്പിൽ ഒരു ലൊക്കേഷൻ പിൻ ചെയ്തിട്ടുണ്ട്…..

“Are you sure???”

“Look mam…” മിഥുൻ വീഡിയോ ഫയലിന്റെ പേരിനു നേരെ മൗസ് പോയന്റർ കൊണ്ട് വന്നു…
“ലൊക്കേഷന്റെ ജിപിസ് കോർഡിനേറ്റ്സ്‌ ആണ് ഫയൽ നെയിം….”

11.26712, 75.7943.

ഏകദേശം 200 ഏക്കറോളം വരുന്ന ചതുപ്പ് നിലം, ഒപ്പം പാർക്ക്, വാക്ക് വേ, ബോട്ടിംഗ്…. സരോവരം ബയോപാർക്ക്….