?എന്റെ രാക്ഷസി?(?Psycho Girl?) 2 698

ആ പെൺകുട്ടി അത് പറഞ്ഞതും അയാൾ അവളെ സഹതാപത്തോടെ നോക്കി അതിന് അവൾ അയാളെ നോക്കി ഒരു പുഞ്ചിരി മറുപടിയായി കൊടുത്തു.

“ഇവിടുന്ന് നേരെ പോയി അവസാനത്തെ മുറിയാണ് ഓഫീസ്.

“നന്ദി മോളെ

അതും പറഞ്ഞു ലച്ചുവിന്റെ തലയിൽ ഒന്ന് തലോടി അയാൾ നടന്നു.

അയാൾ പോയതും ആ പെൺകുട്ടി ലെച്ചുവിനെ കൂർപിച്ചുനോക്കി.

“എവിടെയെങ്കിലും പോവുമ്പോ പറഞ്ഞിട്ട് പോകണമെന്ന് പറഞ്ഞാൽ കേൾക്കില്ല, ഞാൻ എവിടെയൊക്കെ നിന്നെ അന്വേഷിച്ചു എന്ന് അറിയാവോ.

അതിനു മറുപടിയായി ലെച്ചു കൈകൊണ്ട് എന്തൊക്കെയോ ആംഗ്യം കാണിച്ചു.

“ഈ രാവിലെ തന്നെ നിനക്ക് നടക്കാൻ തോന്നിയോ കഷ്ടം തന്നെ വാ ഭക്ഷണം കഴിക്കാൻ സമയം ആയി, ഇനി ഇങ്ങനെ ആരോടും പറയാതെ ഇറങ്ങി നടക്കരുത് കേട്ടോ

അതിനു മറുപടിയായി അവൾ സമ്മതം എന്ന രീതിയിൽ തലയാട്ടി.

ആ പെൺകുട്ടി ലെച്ചുവിന്റെ കൈ പിടിച്ചു ഭക്ഷണശാലയിലേക്ക് നടന്നു.

അവൾ ശ്രീലക്ഷ്മി ? സതിയുടെ വേർപാട് താങ്ങാൻ കഴിയാത്ത മഹാദേവന്റെ അടുത്ത് പുതിയ പ്രണയകാവ്യം രചിക്കാൻ വിധിക്കപ്പെട്ടവൾ.

♣️♣️♣️♣️♣️♣️♣️♣️♣️♣️♣️♣️♣️♣️♣️♣️♣️♣️♣️

ഉത്സവത്തിന്റെ രണ്ടാം ദിവസമായിരുന്നു ഇന്ന് കൊട്ടാരത്തിലെ പുരുഷന്മാരെല്ലാം അതിന്റെ തിരക്കിൽ ആയിരുന്നു,

പാറുവിന് ദേവിനെ ഒന്ന് കാണാൻ പോലും കഴിഞ്ഞിരുന്നില്ല, ഇതിനിടയിൽ ഗംഗ ധന്യയോട് മോഹന്റെ കാര്യം എല്ലാം പറഞ്ഞിരുന്നു. അവൾക്ക് അവനെ തെറ്റുധരിച്ചത് ഓർത്ത് വിഷമം തോന്നി,

ഇതിനിടയിൽ ഗഗയ്ക്ക് നേരെ നീളുന്ന കഴുകൻ കണ്ണുകൾ ആരും ശ്രദ്ധിച്ചിരുന്നില്ല, അയാളുടെ നോട്ടം മുഴുവൻ ഗംഗയുടെ ശരീരത്തിൽ തന്നെ ആയിരുന്നു, അയാൾ അതാണ് പ്രണയം എന്ന് വിശ്വസിക്കുമ്പോഴും അത് ഒരിക്കലും പ്രണയം ആയിരുന്നില്ല മറിച്ചു കാമം മാത്രം ആയിരുന്നു, അയാളുടെ പ്രണയം അവളുടെ ശരീരത്തോട് മാത്രം ആയിരുന്നു.

ഇതൊന്നും അറിയാതെ കൂട്ടുകാരുടെയും സഹോദരിമാരുടെ കൂടെയും കളിച്ചു ചിരിച്ചു നടക്കുകയാണ് ഗംഗ,.