?എന്റെ രാക്ഷസി?(?Psycho Girl?) 2 698

മുസ്‌തഫ ഇരുമ്പ് വടി അവന്റെ മുഖം ലക്ഷ്യമാക്കി വീശി.

എന്നാൽ ആദി ആ നിമിഷം കണ്ണുകൾ വലിച്ചു തുറന്നു.

മുസ്‌തഫ വീശിയ ഇരുമ്പ് കമ്പി തന്റെ വലം കയ്യാൽ അവൻ പിടിച്ചു.

നിമിഷങ്ങളുടെ വേഗതയിൽ ചാടി എഴുന്നേറ്റ അവൻ മുസ്‌തഫയെ തന്റെ നേരെ വലിച്ചു അവന്റെ തലക്കൊണ്ട് മുസ്തഫയുടെ തലയിൽ ശക്തിയായി ഇടിച്ചു.

ആ ഇടിയിൽ അയാളുടെ കയ്യിൽ നിന്നും ഇരുമ്പ് വടിയുടെ പിടിവിട്ടു.

അത് തന്റെ രണ്ട് കൈക്കൊണ്ടും പിടിച്ച ആദി അത് വേഗതയിൽ മുസ്തഫയുടെ മുഖത്തിന്‌ നേരെ ആഞ്ഞു വീശി.?

“ഉമ്മാ ——————–

നിലവിളിയോടെ മുസ്‌തഫ നിലത്തേക്ക് വീണു, ഒരു പക്ഷെ ആദ്യമായി ആയിരിക്കും അയാളുടെ വായിൽ നിന്ന് ആ വാക്ക് വീണത്.

ആദി നല്ല അവശനായിരുന്നു ആ ഇരുമ്പ് കമ്പി നിലത്ത് കുത്തി അതിൽ താങ്ങി അവൻ നിന്നു.

അപ്പോഴും അവന്റെ തലയിൽ നിന്നു, കുത്ത് കിട്ടിയ ഭാഗത്ത് നിന്നും രക്തം ഒഴുകുന്നുണ്ടായിരുന്നു.

ഒരു നിമിഷം തിരിഞ്ഞു നോക്കിയ അവൻ കണ്ടു തന്നെ ഭയത്തോടെ നോക്കുന്ന മൂന്നുപേരെ.

തോമസും വീണയും ശ്രദ്ധയും ആയിരുന്നു അത്.

ആദിയുടെ താണ്ഡവം കണ്ട് ഭയന്ന് പോയിരുന്നു അവർ,

അവന്റെ അടുത്തേക്ക് പോവാൻ പോലും അവർ ഭയപ്പെട്ടു.

അവൻ അവരെ നോക്കി ഒന്ന് പുഞ്ചിരിച്ചു, ഇതാണ് അവൻ എന്ന് പറയാതെ പറഞ്ഞുകൊണ്ട്,?

പതിയെ കണ്ണുകൾ അടഞ്ഞു പുറകോട്ട് വീഴാൻനാഞ്ഞു അവൻ.

എന്നാൽ വീഴുന്നതിന് മുൻപ് ആ ബലിഷ്ടമായ കൈകൾ അവനെ താങ്ങിയിരുന്നു,