?എന്റെ രാക്ഷസി?(?Psycho Girl?) 2 698

അതും പറഞ്ഞു ഗംഗയെയും ധന്യയെയും അവന് പരിചയപ്പെടുത്തി കൊടുത്തു.

“ഗംഗ, ധന്യ ഇതാണ് എന്റെ എല്ലാം എല്ലാം ആയ ഏട്ടൻ മഹാദേവ് എന്ന ഉണ്ണിഏട്ടൻ

പരസ്പരം പരിചയപ്പെടുത്തി കഴിഞ്ഞു അവർ എല്ലാവരും അകത്തേക്ക് കയറി, മഹി അത്യാവശ്യമായി പുറത്തേക്ക് പോകണ്ടതിനാൽ അകത്തേക്ക് കയറാതെ പുറത്തേക്ക് ഇറങ്ങി.

പുറത്തിറങ്ങിയ അവൻ ഒന്ന് തിരിഞ്ഞു നോക്കി അപ്പോൾ കണ്ടു ധന്യയുടെ കയ്യും പിടിച്ചു അകത്തേക്ക് കയറുന്ന പാറുവിനെ.

അവൻ ഒരുനിമിഷം അത് നോക്കി നിന്ന് ഒരു പുഞ്ചിരിയോടെ തിരിച്ചു നടന്നു. ?

കൊട്ടാരം കണ്ട് ധന്യയും പാറുവും എല്ലാം അത്ഭുതപ്പെട്ട് പോയിരുന്നു,

തനിക്ക് ഇത് ആദ്യമായ ഒരു അനുഭവത്തിലാണ് ധന്യ അത്ഭുതപ്പെട്ടതെങ്കിൽ,

തന്റെ കൊട്ടാരത്തിൽ നിന്നും തികച്ചും വ്യത്യസ്തവും കാണാൻ ഭംഗിയുള്ളതുമായ കോത്തുപണികൾ ഒക്കെ കണ്ടാണ് പാറു അത്ഭുതപ്പെട്ടത്.

മൂന്നു പേരും ഒരുമിച്ച് ഒരു മുറിയിൽ തന്നെയാണ് കഴിഞ്ഞത്.

ഭക്ഷണം കഴിച്ച ശേഷം അവർ വിശ്രമിക്കാനായി മുറിയിലേക്ക് പോയി.