?എന്റെ രാക്ഷസി?(?Psycho Girl?) 2 698

“നിങ്ങൾ നടക്കു ഞങ്ങളും ഉണ്ട് കൂടെ കൊട്ടാരം കാണാൻ ഇറങ്ങിയതല്ലേ നിങ്ങൾ.

“അതെ

പാറു മറുപടി പറഞ്ഞതും, അവരെല്ലാവരും ഒരുമിച്ച് നടക്കാൻ തുടങ്ങി, ഗംഗ പാറുവിനെ പറ്റിയും ധന്യയെ പറ്റിയും എല്ലാം പറഞ്ഞു കൊടുത്തു, ധന്യ അനാഥ ആണെന്ന് പറഞ്ഞപ്പോ അവർക്കെല്ലാം ഒരു സങ്കടം തോന്നി, എന്നാൽ അതിനെല്ലാം ധന്യ ഒരു പുഞ്ചിരി മറുപടിയായി കൊടുത്തു.നടന്ന് അവസാനം അവർ കൊട്ടാരത്തിന് ഇടത് ഭാഗത്തായി ഉള്ള കുളത്തിന് സമീപം ആയി എത്തി. കുളത്തിൽ നിറയെ ആമ്പലുകൾ വിടർന്നിട്ടുണ്ടായിരുന്നു. പറുവും ധന്യയും ആവേശത്തോടെ അതെല്ലാം നോക്കി നിന്നു.

കുറച്ച് സമയം കഴിഞ്ഞപ്പോൾ അവരെല്ലാം മടങ്ങി പോകാൻ ഒരുങ്ങി.

“നിങ്ങൾ പൊക്കൊളു എനിക്കിവിടം ഒരുപാടിഷ്ടമായി ഞാൻ കുറച്ച് സമയവും കൂടി ഇവിടെ ഇരുന്നോട്ടെ.

എല്ലാവരും തിരിച്ചു പോവാനായി തുടങ്ങിയതും പാറു തന്റെ ആവിശ്യം ഉന്നയിച്ചു.

“അത് വേണ്ട പാറു നി തനിചിവിടെ നിൽക്കണ്ട നിനക്ക് പരിജയം ഇല്ലാത്ത സ്ഥലം അല്ലെ

ഗംഗ അവളെ പിന്തിരിപ്പിക്കാനായി പറഞ്ഞു