?എന്റെ രാക്ഷസി?(?Psycho Girl?) 2 698

“എന്റെയാ എന്റെ മാത്രാ ?

അവൻ അതും പറഞ്ഞു ബോധം മറഞ്ഞു അവിടെ കിടന്നു.

അവൻ ബോധം മറഞ്ഞു കിടന്നതും അവന്റെ അടുത്തായി ഇരുന്ന അവന്റെ കൂട്ടുകാരന്റെ മുഖത്ത് ഒരു പുച്ഛചിരി വിരിഞ്ഞു.

“ഗംഗ മഹേശ്വരി, ഒരു പാട് ആഗ്രഹിച്ചതാ നിന്നെ, നിന്റെ ആരെയും മയക്കുന്ന ആ സൗന്ദര്യം അത് ഒന്ന് ആസ്വദിക്കാൻ എത്ര നാളായി ഞാൻ കൊതിക്കുന്നു, അങ്ങനെ ഉള്ളപ്പോ മറ്റൊരുത്തനെ വേളി കഴിച്ചു പോവാൻ ഞാൻ സമ്മതിക്കുമോ ഒരിക്കലും ഇല്ല, ഇവനെ വെച്ച് കൊണ്ട് തന്നെ ഞാൻ അത് മുടക്കും.

മനസ്സിൽ പറഞ്ഞു കൊണ്ടിരുന്ന അവന്റെ മുഖത്ത് ആ നിമിഷം ക്രൂരമായ ഒരു ചിരി പ്രത്യക്ഷമായി.

♦️♦️♦️♦️♦️♦️♦️♦️♦️♦️♦️♦️♦️♦️♦️♦️♦️♦️♦️

“ഇത് വരെ ഒരുങ്ങി കഴിഞ്ഞില്ലേടി

“ഇതാ ഇപ്പൊ കഴിയും ടി നിങ്ങൾ താഴേക്ക് പൊക്കോ ഞാൻ വന്നോളാം.

വൈകുന്നേരം അമ്പലത്തിലേക്ക് പോകുവാനായി തയാറാക്കുവാണ് പാറു, ധന്യയും പാറുവും മറ്റുള്ളവരും നേരത്തെ തയാറായി കഴിഞ്ഞിരുന്നു എന്നിട്ടും പാറുവിന്റെ ഒരുക്കം മാത്രം കഴിഞ്ഞിട്ടില്ല കൊട്ടാരത്തിലെ എല്ലാവരും ഒരുമിച്ചാണ് പോവുന്നത്.

പാറു ഇപ്പോഴൊന്നും തയാറായി കഴിയില്ല എന്ന് ഉറപ്പുള്ളതിനാൽ ബാക്കി എല്ലാവരും താഴേക്ക് പോയി.

ഒരുങ്ങി കഴിഞ്ഞ പാറു മുറിയിൽ നിന്നിറങ്ങി താഴോട്ടു പോവാൻ ഒരുങ്ങി.

പെട്ടന്നാണ് ആരോ അവളുടെ കൈ പിടിച്ചു അടുത്ത മുറിയിൽ കയറ്റിയത്, പെട്ടന്ന് ഒന്ന് പകച്ചു പോയെങ്കിലും ആരാണെന്ന് മനസ്സിലായപ്പോൾ അവളുടെ മുഖത്ത് ഒരു ചിരി വിരിഞ്ഞു.

പാറുവിനെ വലിച്ചു മുറിയിൽ കയറ്റി മുറി അകത്ത് നിന്നും പൂട്ടിയ ശേഷം ദേവ് തിരിഞ്ഞു നിന്ന് കൈകെട്ടി അവളെ തന്നെ നോക്കി നിന്നു.