?എന്റെ രാക്ഷസി?(?Psycho Girl?) 2 698

അവൾ ആ നാല് പേരിൽ ഒരുത്തനെ ചൂണ്ടി പറഞ്ഞു.

“ഡോ താൻ എന്തിനാടോ അവളുടെ മുടിയിൽ പിടിച്ചത്.

അവർക്ക് നേരെ ചീറി കൊണ്ട് പാറു ചോദിച്ചു.

“ഹ ഒന്ന് അടങ്ങു കൊച്ചേ അവളുടെ മുടിയിലല്ലേ പിടിച്ചുള്ളൂ അല്ലാതെ അവളെ കയറി പിടിച്ചൊന്നും ഇല്ലല്ലോ.

അവൻ ധന്യയെ നോക്കി ഒരു വഷളൻ ചിരിയോടെ പറഞ്ഞു

“എന്ത് പറഞ്ഞെടാ പട്ടി

അതും പറഞ്ഞു അവന്റെ മുഖത്ത് അടിക്കാൻ അടിക്കാൻ കയ്യുയർത്തിയ പാറുവിന്റെ കയ്യിൽ അവൻ കയറി പിടിച്ചു.

“കയ്യിൽ നിന്ന് വിടെടാ

അവനെ നോക്കി ദേഷ്യത്തോടെ അവൾ പറഞ്ഞു

“ഹാ നീ കൊള്ളാലോടി മോളെ നിനക്കെന്നെ തല്ലണോ എന്നാ തല്ലെടി

“പാറു വേണ്ട നമുക്ക് പോവാം

ഇതെല്ലാം കണ്ട് പേടിച് ധന്യ പറഞ്ഞു മറ്റുള്ളവരും അത് ശെരിവെച്ചു, എന്നാൽ പാറു അതൊന്നും ശ്രദ്ധിക്കാതെ അവന്റെ മുഖത്തേക്ക് തന്നെ നോക്കി നിന്നു

“കയ്യിന്ന് വിടെടാ

“അങ്ങനെ ഞാനിപ്പോ വിടുന്നില്ല നിനക്ക് വിടുവിക്കാൻ പറ്റുമോന്ന് മോളൊന്ന് നോക്ക്.

അതും പറഞ്ഞു അവൻ ഒന്ന് കൂടി അവളുടെ കയ്യിൽ അമർത്തി പിടിച്ചു.

ദേവും മോഹനും ആൽമരത്തിന്റെ അടുത്തായി നിൽക്കുമ്പോഴാണ് എല്ലാവരും ഒരു സ്ഥലത്തേക്ക് ഓടുന്നത് കണ്ടത്. അവർ ഒന്നും മനസിലാവാതെ പരസ്പരം നോക്കി.

“ചേട്ടാ എങ്ങോട്ടാ ഈ ഓടുന്നത്