?എന്റെ രാക്ഷസി?(?Psycho Girl?) 2 698

മോഹന്റെ മുഖത്ത് നോക്കി തറപ്പിച്ചു അവൾ പറഞ്ഞു.

“അതെന്താ മാളു നടക്കാത്തത് അവളൊരു അനാഥ ആയത് കൊണ്ട് നിനക്കും അവളെ കൂടെകൂട്ടാൻ ഇഷ്ടല്ലേ

മാളുവിനെ നോക്കി പുച്ഛത്തോടെ മോഹൻ ചോദിച്ചു.

“അവൾ അനാഥ ആണെങ്കിലും അല്ലെങ്കിലും അത് നടക്കില്ല ഏട്ടാ കാരണം അവൾക്ക് ഒരു പ്രണയം ഉണ്ട്.

ഗംഗ പറഞ്ഞതും മോഹൻ ഞെട്ടികൊണ്ട് അവളെ നോക്കി

“പ്ര പ്രണയമോ ആരോട്.

“പാറുവിന്റെ ഏട്ടനാണ് പേര് രവിശങ്കർ, അതുകൊണ്ടാണ് ഏട്ടാ നടക്കില്ല എന്ന് പറഞ്ഞത്, തുറന്ന് പറഞ്ഞില്ലെങ്കിലും അവർക്ക് പരസ്പരം ഇഷ്ടമാണെന്ന് ഞങ്ങൾക്ക് അറിയാം, സ്നേഹിക്കുന്നവർ അല്ലെ ഏട്ടാ ഒരുമിക്കേണ്ടത്, ഏട്ടനെ ഒരു സഹോദരനായി ആണ് അവൾ കാണുന്നത്, അത് കൊണ്ട് വേണ്ട ഏട്ടാ.

ഒരു അപേക്ഷയോടെ ഗംഗ മോഹനോട് പറഞ്ഞു.

ഒരുനിമിഷം അവൻ ഗംഗയെ തന്നെ നോക്കി നിന്നു, പിന്നീട് അവൻ ഒന്ന് ചിരിച്ചു അത് ഒരു പൊട്ടിച്ചിരിയായി മാറി.

അവന്റെ ചിരി കണ്ട് ഗംഗ ഒന്നും മനസ്സിലാവാതെ നിന്നു.

“എന്റെ മാളൂട്ടിയെ നീ എന്നെ കുറിച്ച് ഇങ്ങനെ ആണോ കരുതിയത്