?എന്റെ രാക്ഷസി?(?Psycho Girl?) 2 698

“അതെ ഏട്ടാ, അല്ല ഉണ്ണിയേട്ടൻ എവിടെ.

“ഹ ഞാനും അവനെ നോക്കി നടക്കുവാ അമ്പലത്തിലേക്ക് പോവണമെന്ന് വല്യച്ഛൻ പറഞ്ഞിരുന്നു.മോളെന്നാൽ താഴോട്ടു പൊക്കൊളു.

“ശെരിയേട്ടാ.

മോഹനോട് യാത്ര പറഞ്ഞു അവൾ താഴോട്ടു പോവാനൊരുങ്ങി മോഹൻ ദേവിനെ അന്വേഷിച്ച് അവന്റെ മുറിയിലേക്കും.

“അയ്യോ ധന്യയുടെ കാര്യം ഏട്ടനോട് പറയാൻ മറന്നുപോയല്ലോ ഇപ്പോൾ തന്നെ പറഞ്ഞേക്കാം.

താഴേക്ക് ഇറങ്ങാൻ വേണ്ടി പോവുമ്പോൾ ആ കാര്യം പെട്ടന്ന് ഓർമ വന്നതും അവൾ തിരിഞ്ഞു മോഹനെ അന്വേഷിച്ചു പോയി.

ഈ സമയം ദേവിനെ അവന്റെ മുറിയിലും കാണാതെ ആയപ്പോൾ മോഹൻ തിരിച്ചു പോവാൻ ഇറങ്ങി, അപ്പോഴാണ് ഗംഗയുടെ മുറി തുറന്നിട്ടിരിക്കുന്നത് ശ്രദ്ധിച്ചത് അവൻ ഒരു കൗതുകത്തിന്റെ പുറത്ത് അവളുടെ മുറിയിലേക്ക് കയറി,

അപ്പോഴാണ് കട്ടിലിൽ പരസ്പരം കെട്ടിപിടിച്ചു കിടക്കുന്ന പാറുവിനെയും ധന്യയെയും കണ്ടത്, അവൻ കുറച്ചു നേരം ധന്യയുടെ മുഖത്ത് തന്നെ നോക്കി നിന്നു, ആ നിമിഷം അവന്റെ മുഖത്ത് വിരിഞ്ഞ ഭാവം മാത്രം മനസിലാക്കാൻ സാധിക്കുന്നത് ആയിരുന്നില്ല.

കുറച്ചു നേരം അവളെ നോക്കി മുറിയിൽ നിന്ന അവൻ പിന്നെ പുറത്തേക്ക് ഇറങ്ങി. അപ്പോളാണ് പുറത്ത് നിക്കുന്ന ഗംഗയെ അവൻ കണ്ടത് ഒരു നിമിഷം അവൻ ഒന്ന് പതറി.