?എന്റെ രാക്ഷസി?(?Psycho Girl?) 2 698

മേനകയും,നന്ദിനിയും, പ്രേമയും, സത്യനന്ദിനിയും, സത്യനന്ദയും എല്ലാം അവരുടെ ഒരുമിച്ച് തന്നെയുണ്ട്.

ഉത്സവത്തിന്റെ മനോഹാരിത ധന്യ ആദ്യമായി കാണുകയായിരുന്നു, അവൾക് എല്ലാം പറഞ്ഞു കൊടുത്ത് കൊണ്ട് ഗംഗയും പാറും എല്ലാം ഒരുമിച്ച് തന്നെയുണ്ട്.

“ഡി ഇവരെന്താ നമ്മുടെ പുറകെ തന്നെ നടക്കുന്നെ

ഏറെ നേരമായി തങ്ങളുടെ പുറകെ തന്നെ നടക്കുന്ന നാല് ചെറുപ്പക്കാരെ നോക്കി പാറു, ചോദിച്ചു.

“അത് വല്ല വായിനോക്കികളും ആവും നമ്മൾ കാര്യാക്കണ്ട.

മേനക ആയിരുന്നു അത് പറഞ്ഞത്.

അവർ അത് കാര്യമാക്കാതെ മുന്നോട്ട് നടന്നു, അവരെ പിന്തുടർന്ന് ആ നാല് പേരും.

പെട്ടന്ന് അതിലൊരുത്തൻ മുന്നോട്ട് കയറി വന്നു ധന്യയുടെ മുടി പിടിച്ചു വലിച്ചു.

“ആ

ധന്യ പെട്ടന്ന് മുടിയിൽ വേദന അനുഭവപ്പെട്ടതും നിലവിളിച്ചു പിന്നിലേക്ക് തെന്നി മാറി.

അവളുടെ നിലവിളി കേട്ട് തിരിഞ്ഞു നോക്കിയ എല്ലാവരും കണ്ടത് നിലത്ത് വീണു കിടക്കുന്ന ധന്യയെ ആണ്.

എല്ലാവരും അവളുടെ അടുത്തേക്ക് വന്നു അവളെ എഴുന്നേൽപ്പിച്ചു.

“ധന്യ എന്താടി പറ്റിയെ

ഗംഗ ചോദിച്ചു

“ഇയാൾ എന്റെ മുടിയിൽ കയറി പിടിച്ചു.